Донишгоҳи байналмилалии забонҳои хориҷии Тоҷикистон ҳамкориро бо Донишгоҳи Вестминстер густариш медиҳад
ДУШАНБЕ, 04.03.2026 /АМИТ «Ховар»/. Донишгоҳи байналмилалии забонҳои хориҷии Тоҷикистон ба номи Сотим Улуғзода ҳамкориро дар самти забономӯзӣ бо яке аз донишгоҳҳои бонуфузи Британияи Кабир – Донишгоҳи Вестминстер тақвият медиҳад.
Тавре аз ин донишгоҳ ба АМИТ «Ховар» хабар доданд, ректори Донишгоҳи байналмилалии забонҳои хориҷии Тоҷикистон ба номи Сотим Улуғзода Жило Гулназарзода бо намояндагони Донишгоҳи Вестминстер вохӯрӣ намуд. Зимни мулоқот масъалаҳои мубрами рушди омӯзиши забони англисӣ дар Тоҷикистон, боло бурдани маҳорати омӯзгорон ва донишҷӯёни ихтисоси забони англисӣ, инчунин роҳҳои татбиқи барномаҳои муштараки илмӣ ва омӯзишӣ баррасӣ карда шуданд.
Жило Гулназарзода иброз дошт, ки сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон дар самти рушди омӯзиши забонҳои хориҷӣ, бахусус забони англисӣ заминаи устувори ҳамкории нави академиро фароҳам овардааст.
Дар вохӯрӣ доир ба имконияти таълимӣ, ихтисосҳои марбут ба забони англисӣ, равияҳои омӯзгорию тарҷумонӣ ва иқтидори кадрии донишгоҳ маълумоти муфассал пешниҳод гардид.
Иттилоъ дода шуд, ки ҳамкории ду муассиса дар доираи барномаи байналмилалии AELLCA (Accelerating English Language Learning in Central Asia) ва дар мувофиқа бо Ҳукумати Ҷумҳурии Тоҷикистон ба роҳ монда шудааст. Ин иқдом ба баланд бардоштани сифати таълими забони англисӣ, такмили сатҳи касбии омӯзгорон ва таҳкими таҳсилоти фарогир дар муассисаҳои таҳсилоти олии мамлакат равона гардидааст.
Инчунин 2-3 март бо иштироки профессори Донишгоҳи Вестминстер Эндрю Линн барои омӯзгорон ва донишҷӯёни курсҳои болоии самти забони англисӣ даврҳои омӯзишӣ гузаронида шуданд, ки ба табодули таҷриба ва татбиқи усулҳои муосири таълим мусоидат мекунанд.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
««ШОҲНОМА»-И АБУЛҚОСИМ ФИРДАВСӢ ВА ТАҲКИМИ ҲУВИЯТИ МИЛЛӢ». Дар Донишгоҳи давлатии Кӯлоб ҳамоиш доир шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба муаммоҳои глобалии экологӣ ҳамоиш доир шуд
Давраи якуми бақайдгирии довталабон барои иштирок дар имтиҳонҳои дохилшавӣ то 30 апрел идома меёбад
Қабули ҳуҷҷатҳо барои соли таҳсил дар муассисаҳои таҳсилоти олии касбии Ҷумҳурии Корея оғоз гардид
ҲУКУМАТИ ЭЛЕКТРОНӢ. Барномаи иттилоотии «Kudak.tj» барои муассисаҳои томактабии шаҳри Душанбе рунамоӣ гардид
Дар Донишгоҳи давлатии Хоруғ Маркази зеҳни сунъӣ ба фаъолият оғоз намуд
Дар Душанбе ғолибони якчанд озмунҳои ҷумҳуриявӣ қадрдонӣ гардиданд
Дар Донишгоҳи давлатии Бохтар доир ба масъалаҳои таълими забонҳои русӣ ва англисӣ конференсия баргузор гардид
35-СОЛАГИИ ИСТИҚЛОЛИ ДАВЛАТӢ. Дар деҳаҳои Обигарм, Себистон ва Лолагии шаҳри Ҳисор кӯдакистону муассисаҳои таълимӣ бунёд мегарданд
Дар мавзуи «Рушди илми тоҷик дар шароити муосир: инноватсия ва рақамикунонӣ» конференсияи илмӣ доир шуд
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
