Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо ширкати нидерландии EISIVIER баррасӣ гардид
ДУШАНБЕ, 10.03.2026 /АМИТ «Ховар»/. Масъалаҳои муҳими марбут ба рушди фаъолияти илмӣ-таҳқиқотӣ, баланд бардоштани сифати таҳқиқоти илмӣ ва мутобиқ намудани онҳо ба талаботи стандартҳои байналмилалӣ дар мулоқоти ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода бо мушовири ширкати илмию ноширии байналмилалии Elsevier (Нидерландия) дар минтақаи Осиёи Марказӣ Дмитрий Султанов баррасӣ гардид.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки мусоҳибон ҳамзамон роҳҳои тақвияти ҳамкории байналмилалӣ, густариши дастрасии муҳаққиқону омӯзгорон ба пойгоҳҳои муосири иттилоотию илмӣ ва баланд бардоштани нуфузи илми тоҷикро дар арсаи ҷаҳонӣ муҳокима намуданд.
Убайдулло Асрорзода иброз дошт, ки дар шароити ҷаҳонишавии илм ва рушди босуръати технологияҳои рақамӣ тақвияти ҳамкорӣ бо марказҳои бонуфузи илмӣ ва ноширии байналмилалӣ барои баланд бардоштани сатҳи таҳқиқоти илмии донишгоҳ аҳаммияти махсус дорад.
Дмитрий Султанов оид ба имконоти платформаҳои илмии ширкати Elsevier, аз ҷумла пойгоҳҳои маълумотии байналмилалӣ, воситаҳои таҳлили иқтибосҳо ва механизмҳои дастгирии муҳаққиқон дар самти интишори мақолаҳои илмӣ маълумоти муфассал пешниҳод намуд.
Дар мулоқот масъалаҳо оид ба иштироки муассисаҳои таҳсилоти олии мамлакат дар раддабандиҳои байналмилалии донишгоҳҳо, баланд бардоштани нишондиҳандаҳои илмӣ ва густариши ҳамкории илмӣ-таҳқиқотӣ мавриди баррасӣ қарор гирифтанд.
Ҷонибҳо барои рушди минбаъдаи ҳамкорӣ, татбиқи барномаҳои муштараки илмӣ ва баланд бардоштани рақобатпазирии илмии муассисаҳои таҳсилоти олии Тоҷикистон дар фазои байналмилалӣ ибрози омодагӣ намуданд.
АКС: Донишгоҳи байналмилалии сайёҳӣ ва соҳибкории Тоҷикистон
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
