«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
ДУШАНБЕ, 10.03.2026 /АМИТ «Ховар»/. Аз 3 то 5 март намояндагони соҳаи сайёҳии Ҷумҳурии Тоҷикистон дар Намоишгоҳи байналмилалии сайёҳии «ITB Berlin 2026», ки дар шаҳри Берлин баргузор гардид, иштирок намуд.
Тавре аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд, дар доираи ин намоишгоҳ роҳбарони ширкатҳои сайёҳии ватанӣ бо ҳамтоёнашон беш аз 20 шартномаи ҳамкорӣ ба имзо расониданд.
Намояндагони Тоҷикистон инчунин бо роҳбарони ширкатҳо ва ташкилоти байналмилалии соҳаи сайёҳӣ вохӯрӣ намуда, масъалаҳои густариши ҳамкории байналмилалӣ, ба роҳ мондани сафарҳои сайёҳӣ ва ҷалби сармоя ба соҳаи сайёҳии мамлакатро баррасӣ намуданд.
Иттилоъ дода шуд, ки давоми се рӯз гӯшаи сайёҳии Тоҷикистонро беш аз 3 000 меҳмонону сайёҳон ва дӯстдорони сайру саёҳат тамошо карданд.
Намоишгоҳи «ITB Berlin», ки ҳамасола баргузор мешавад, яке аз бузургтарин ва бонуфузтарин ҳамоишҳои ҷаҳонии соҳаи сайёҳӣ ба ҳисоб рафта, ширкатҳои пешбари сайёҳӣ, сармоягузорон, намояндагони мақомоти давлатӣ ва коршиносони соҳаро аз кишварҳои гуногуни ҷаҳон гирд меорад.
Ёдовар мешавем, ки иштироки Ҷумҳурии Тоҷикистон дар ин намоишгоҳи бонуфуз бо дастгирии Ҳукумати мамлакат таъмин гардида, Кумитаи рушди сайёҳӣ ҳамчун мақоми ваколатдори давлатӣ дар соҳаи сайёҳӣ ҳамоҳангсози фаъолияти ҳайати Тоҷикистон буд.
Дар доираи намоишгоҳ имконоти сайёҳии Тоҷикистон, аз ҷумла захираҳои нодири табиӣ, мавзеъҳои таърихию фарҳангӣ, сайёҳии кӯҳнавардӣ ва экологӣ, инчунин ҳунарҳои мардумӣ ва анъанаҳои миллии халқи тоҷик ба таври васеъ муаррифӣ карда шуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
