Китоби «Истиқлолияти давлатӣ ва рушди давлатдории миллӣ» рӯнамоӣ гардид
ДУШАНБЕ, 05.03.2026 /АМИТ «Ховар»/. Имрӯз дар Академияи миллии илмҳои Тоҷикистон китоби «Истиқлолияти давлатӣ ва рушди давлатдории миллӣ»- и Зубайдулло Давлатов, ки ба тозагӣ аз чоп баромадааст, рӯнамоӣ гардид. Китоб аз 62 боб иборат буда, дар он моҳияти истиқлолият, нақши он дар ташаккули давлатдории муосир, таъсири он ба худогоҳии сиёсӣ ва фарҳангии тоҷик мавриди таҳлилу баррасӣ қарор гирифтааст, иттилоъ медиҳад АМИТ «Ховар».
Китоби ходими калони илмии шуъбаи Иттиҳоди Давлатҳои Мустақили Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон Зубайдулло Давлатов бахшида ба 35-солагии Истиқлолияти давлатӣ ва Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ эълон гардидани соли 2026 ба нашр расидааст.
Зимни рӯнамоии китоб мудири шуъбаи кишварҳои Иттиҳоди Давлатҳои Мустақили Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон Зафар Саидов иброз дошт, ки китоб ба таҳлили фарогир ва мукаммали масъалаҳои марбут ба Истиқлолияти давлатӣ, ташаккул ва таҳаввули давлатдории миллӣ дар Ҷумҳурии Тоҷикистон бахшида шудааст.
Иброз гардид, ки ин китоб дар заминаи таҷрибаи беш аз сӣ соли соҳибистиқлолии мамлакат навишта шуда, истиқлолиятро на танҳо ҳамчун воқеаи таърихӣ, балки чун раванд ва масъулияти доимии сиёсӣ, иҷтимоӣ ва маънавӣ баррасӣ менамояд.
Дар рӯнамоии китоб олимону муҳаққиқон ва устодон доир ба таҳлилҳо ва мавзуъҳои дар китоб баррасишуда андешаҳояшонро пешниҳод намуданд.
Китоб барои олимон, муҳаққиқон, донишҷӯён, сиёсатшиносон, ҳуқуқшиносон, хизматчиёни давлатӣ ва ҳама хонандагоне, ки ба масъалаҳои давлатдорӣ, сиёсати миллӣ ва худшиносии миллӣ таваҷҷуҳ доранд, ҳамчун манбаи муҳими назариявӣ ва амалӣ хизмат мекунад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
