Маркази миллии тестӣ барои дастгирӣ ва осонии кори довталабон дар ИМД-и соли 2026 чӣ тадбир андешидааст?
ДУШАНБЕ, 04.03.2026 /АМИТ «Ховар»/. Тавре қаблан иттилоъ додем, аз 2 март то 28 апрел давраи якум (асосӣ)-и бақайдгирии довталабон барои иштирок дар Имтиҳонҳои марказонидашудаи дохилшавӣ (ИМД)-2026 баргузор мегардад. Маркази миллии тестии назди Президенти Ҷумҳурии Тоҷикистон бо мақсади дастгирии ҳамаҷониба ва осонии кори довталабон дар ИМД-и соли 2026 чӣ тадбир меандешад?
Тавре аз Маркази миллии тестии назди Президенти Ҷумҳурии Тоҷикистон хабар доданд, имсол дар асоси озмун 291 корманди муваққатӣ аз рӯйи вазифаҳои роҳбар, ёвари роҳбар ва бақайдгирандаи нуқтаи бақайдгирӣ ба кор ҷалб гардидаанд. Онҳо барои ба роҳ мондани фаъолияти нуқтаҳои доимӣ ва сайёри бақайдгирӣ дар ҷумҳурӣ аз омӯзиши махсус гузаштаанд.
Маркази миллии тестӣ бо мақсади дастгирии ҳамаҷониба ва осонии кори довталабон дар ИМД-и соли 2026 якчанд навгонӣ ворид намудааст. Аз ҷумла, саволу масъалаҳои навъи кушода – бо ҷавобҳои кӯтоҳ дар субтестҳои забони тоҷикӣ, адабиёти тоҷик, забон ва адабиёти рус, забонҳои хориҷӣ (англисӣ, немисӣ, фаронсавӣ ва арабӣ) ворид карда шудаанд.
Инчунин тартиби нави интихоби ихтисосҳои дорои имтиҳонҳои эҷодӣ ва (ё) маҳорати махсуси Донишкадаи давлатии фарҳанг ва санъати Тоҷикистон ба номи Мирзо Турсунзода пешниҳод гардидааст. Довталабон аз ин донишкада то 12 комбинатсияи ихтисоси супоридани имтиҳони қисми В-ро талабкунандаро, новобаста аз он ки талаботи имтиҳонҳо чӣ гуна аст, интихоб карда метавонанд.
Дар ҳамкорӣ бо Донишкадаи давлатии фарҳанг ва санъати Тоҷикистон ба номи Мирзо Турсунзода дар минтақаҳо (шаҳрҳои Хуҷанд, Бохтар, Хоруғ, Кӯлоб ва ноҳияҳои Дарвоз, Рашт ва Айнӣ) барои баргузории имтиҳонҳои эҷодӣ ва (ё) маҳорати махсус марказҳои имтиҳонӣ ташкил карда мешаванд.
Ба иттилои манбаъ, субтестҳо аз забонҳои немисӣ, фаронсавӣ ва арабӣ дар шакли варақаҳои алоҳида чоп карда мешавад.
Ҳамзамон барои довталабоне, ки ихтисосҳои самти филологияи узбекро интихоб мекунанд, маҳдудият бекор карда мешавад.
Имсол Маркази миллии тестӣ дар шакли ҷадвали ҳамкунишӣ (интерактивӣ) комбинатсияҳои ихтисосҳоеро, ки ба довталабон пешниҳод карда мешаванд, дар сомонаи Марказ (https://spec.ntc.tj/) ҷойгир менамояд.
АКС: АМИТ «Ховар»
НИШАСТИ МАТБУОТӢ. Академияи идоракунии давлатӣ аз рӯйи 31 ихтисос мутахассис омода менамояд
Дар Душанбе вазъи омодасозии кадрҳои баландихтисос дар соҳаи металлургия баррасӣ гардид
Бахшида ба Рӯзи байналмилалии кооператсия дар Донишгоҳи давлатии тиҷорати Тоҷикистон ҳамоиши илмӣ баргузор гардид
Соли равон 12 номгӯй китоби дарсӣ барои синфҳои 5-6 нашр карда мешавад
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
