Масато Канда бо имконоти таълимӣ ва инфрасохтори муосири Донишгоҳи байналмилалии сайёҳӣ ва соҳибкории Тоҷикистон шинос шуд
ДУШАНБЕ, 04.03.2026 /АМИТ «Ховар»/. Дар доираи сафар ба Ҷумҳурии Тоҷикистон Президенти Бонки Осиёии Рушд Масато Канда дар Донишгоҳи байналмилалии сайёҳӣ ва соҳибкории Тоҷикистон бо имконоти таълимӣ ва инфрасохтори муосири донишгоҳ шинос гардид. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Президенти Бонки Осиёии Рушд Масато Канда аз Маркази рушди малакаҳо, касбомӯзӣ ва хизматрасонии донишгоҳ дидан намуда, бо фаъолияти ин марказ, ки ба рушди малакаҳои амалӣ ва омодасозии мутахассисони рақобатпазир дар бозори меҳнат равона гардидааст, шинос шуд.
Дар доираи муаррифӣ ба меҳмон имконоти омӯзишӣ, таҷҳизоти муосир ва барномаҳои омӯзишии марказ, ки ба баланд бардоштани сатҳи малакаҳои касбии донишҷӯёну шаҳрвандон мусоидат мекунанд, муаррифӣ гардиданд.
Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода барои густариши ҳамкорӣ бо Бонки Осиёии Рушд дар самти рушди инфрасохтори таълимӣ, татбиқи лоиҳаҳои инноватсионӣ ва таҳкими иқтидори кадрӣ изҳори омодагӣ намуд.
Ташрифи Президенти Бонки Осиёии Рушд ба донишгоҳ қадами муҳим дар роҳи таҳкими ҳамкории байналмилалӣ ва дастгирии ташаббусҳои рушди устувор дар соҳаи маориф арзёбӣ мегардад.
Бояд гуфт, ки Бонки Осиёии Рушд дар доираи ҳамкорӣ бо Тоҷикистон дар татбиқи барномаҳои муҳими иҷтимоию иқтисодии мамлакат саҳми назаррас гузошта, ба амалисозии зиёда аз 200 лоиҳа ба маблағи умумии беш аз 2,9 миллиард доллар мусоидат намудааст.
АКС: АМИТ «Ховар»
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
Кормандони сохторҳои шаҳри Душанбе бо имконияти сайёҳии шаҳри Ваҳдат ва дараи Ромит шинос гардиданд
Дар Душанбе дар мавзуи «Сайёҳии устувор ва мероси фарҳангӣ» форуми байналмилалӣ баргузор мегардад
Давоми шаш моҳи соли 2026 зиёда аз 700 ҳазор сайёҳон ба шаҳри Душанбе ташриф овардаанд
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои пешрафтаи Чину Ҷопон тақвият меёбад
Кормандони мақомоти шаҳри Душанбе бо имконияти сайёҳӣ ва инфрасохтори энергетикии шаҳри Норак шинос шуданд
Дар шаш моҳ беш аз 30 ҳазор сайёҳони хориҷию дохилӣ ба ноҳияи Варзоб омадаанд
Барои кормандони сохторҳои пойтахт ба мавзеъҳои сайёҳии Балҷувон ва Ховалинг хатсайр ташкил гардид
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Аз водии Рашт то Искандаркӯл: мақомоти шаҳри Душанбе бо ташкили хатсайрҳои сайёҳӣ рушди сайёҳии дохилиро тақвият мебахшад
Беш аз 20 намуди сайёҳӣ дар Тоҷикистон рушд дода мешавад
