Оид ба сиёсишавии дин ва хатари он ба суботи иҷтимоӣ ва амнияти фарҳангии ҷомеа конференсияи байналмилалӣ доир мешавад
ДУШАНБЕ, 30.03.2026 /АМИТ «Ховар»/. Моҳи май дар шаҳри Душанбе бо ташаббуси Институти фалсафа ва сиёсатшиносии ба номи А. Баҳоваддинови Академияи миллии илмҳои Тоҷикистон дар мавзуи «Сиёсишавии дин ва хатари он ба суботи иҷтимоӣ ва амнияти фарҳангии ҷомеа» конференсияи байналмилалии илмӣ-назариявӣ баргузор мешавад.
Тавре ба АМИТ «Ховар» аз Институти фалсафа ва сиёсатшиносӣ иттилоъ доданд, дар конференсия масъалаҳои муҳими назариявӣ ва амалӣ мавриди муҳокима қарор мегиранд. Аз ҷумла, моҳият ва хусусияти сиёсишавии дин дар замони муосир, мушкилот ва пайомадҳои сиёсишавии дин ва динишавии сиёсат дар ҷомеаҳои муосири исломӣ, инчунин хатари сиёсишавии дин ба фарҳанги суннатии динии тоҷикон таҳлил карда мешаванд. Ҳамзамон таваҷҷуҳи махсус ба омӯзиши мазҳаби ҳанафия ва муносибати он ба масъалаи давлат ва ҳокимият, инчунин таносуби арзишҳои миллӣ ва динӣ дар таълимоти ин мазҳаб зоҳир карда мешавад.
Илова бар ин дар доираи конференсия масъалаҳои марбут ба заминаҳои сиёсӣ-иҷтимоии сиёсишавии дин дар кишварҳои Осиёи Марказӣ, модели муосири дунявият, давлат дар Тоҷикистон ва нақши он дар ҳифзи арзишҳои динии анъанавии шаҳрвандон, масъалаи озодии виҷдон ва озодии ақида дар давлати дунявӣ, инчунин масъалаи ҷудоии дин ва давлат дар таълимоти намояндагони мактаби секуляризм (дунявигароён) мавриди баррасии амиқи илмӣ қарор мегиранд.
Дар конференсия муҳаққиқон, донишмандон ва коршиносони соҳаи фалсафа, диншиносӣ, сиёсатшиносӣ ва ҷомеашиносӣ аз дохил ва хориҷи ҷумҳурӣ иштирок мекунанд.
АКС: Dushanbe-travel
«БАРНОМАИ ДАВЛАТИИ ТАЙЁР КАРДАНИ КАДРҲОИ САТҲИ БАЛАНДИ ИЛМӢ». Дар Академияи миллии илмҳо татбиқи онро баррасӣ карданд
ПЕШВОИ МИЛЛАТ — АСОСГУЗОРИ ИСЛОҲОТИ ҲУҚУҚӢ ДАР ТОҶИКИСТОН ВА ҶАҲОН. Эҳдо ба 35-солагии Истиқлолияти давлатӣ
Дар Душанбе оид ба бехатарии ядроӣ ва радиатсионӣ конференсияи байналмилалӣ баргузор гардид
Озмоишгоҳи таҳқиқоти трансформатсияи техногении муҳити геологӣ, назорати радиатсионӣ ва амнияти ядроӣ ба истифода дода шуд
Агентии амнияти химиявӣ, биологӣ, радиатсионӣ ва ядроӣ ва Донишгоҳи миллии техникии Беларус озмоишгоҳи муштараки илмӣ таъсис медиҳанд
Бахшида ба Рӯзи илми тоҷик ҳамоиши илмӣ-назариявӣ доир шуд
РӮЗИ ИЛМ. Маҳз тавассути илму дониш инсон метавонад ба қуллаҳои нави камолоту муваффақият ноил гардад
Оид ба саҳми олимони ҷавон дар таҳқиқи таърихи халқи тоҷик ҳамоиши илмӣ-назариявӣ доир шуд
Оид ба дипломатияи сулҳ ва таҷрибаҳои сулҳофаринӣ ҳамоиш баргузор гардид
Дар Маркази минтақавии бехатарӣ, амният ва кафолатҳои химиявӣ, биологӣ, радиатсионӣ ва ядроӣ панелҳои офтобӣ насб карда шуданд
Бахшида ба Рӯзи илм дар Бадахшон ҳамоиши ҷумҳуриявӣ баргузор шуд
БИСТСОЛАИ ОМӮЗИШ ВА РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Дар доираи Даҳаи муаррифии илми академии тоҷик конференсия баргузор шуд
