Рӯзҳои фарҳанги Ҷопон дар Тоҷикистон бо намоиши ҷашну анъана ва ҳунарҳои мардумӣ баргузор шуд
ДУШАНБЕ, 30.03.2026. /АМИТ «Ховар»/. Дар Осорхонаи миллӣ Рӯзҳои фарҳанги Ҷопон дар Тоҷикистон бо фарогирии намоиши ҷашну анъанаҳо ва намунаи ҳунарҳои мардумии Ҷопон баргузор гардид. Дар ин хусус АМИТ «Ховар» бо истинод ба Осорхонаи миллии Тоҷикистон иттилоъ медиҳад.
Дар оғози чорабинӣ Сафири Фавқулода ва Мухтори Ҷопон дар Тоҷикистон Фурута Кейко, роҳбарият ва намояндагони Вазорати фарҳанг ва Вазорати корҳои хориҷии мамлакат доир ба рушди ҳамкории фарҳангӣ сухан намуданд.
Гуфта шуд, ки фарҳанг ҳамчун пули пайвандгари дӯстӣ хизмат намуда, чунин чорабиниҳо ба таҳкими дӯстӣ ва ҳамдигарфаҳмӣ байни мардумони ду кишвар мусоидат менамоянд.
Дар намоиш анъанаву суннатҳои миллии мардуми Ҷопон, аз қабили фарҳанги чойнӯшӣ ва омода намудани чой, либосҳои миллӣ, ҳунари хушнависӣ, намунаҳои бозиҳои варзишӣ, бозичаву армуғонҳо, ҷашну маросим ва маълумот оид ба марказҳои забономӯзии ҷопонӣ пешкаши тамошобинон гардид. Ҳар бахши намоишгоҳ имкон фароҳам овард, то тамошобинон фазои нодири кишвари тулуи Офтоб- Ҷопонро амиқтар дарк намоянд.
Баргузории Рӯзҳои фарҳанги Ҷопон дар Тоҷикистон ба яке аз рӯйдодҳои муҳимми ҳаёти фарҳангии пойтахт табдил ёфт. Он робитаҳои фарҳангии байни ду давлатро тақвият бахшида, таваҷҷуҳи зиёди сокинон ва меҳмонони шаҳрро ҷалб намуд.
АКС: Осорхонаи миллии Тоҷикистон
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
