Ректори Донишгоҳи давлатии омӯзгории Тоҷикистон бо рафти таҳсилоти олӣ дар вилояти Панҷоби Ҳиндустон шинос гардид
ДУШАНБЕ, 12.03.2026 /АМИТ «Ховар»/. Дар доираи баргузории Конгресси байналмилалии таҳқиқоти бисёрсоҳа ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода ба муассисаҳои таҳсилоти олии вилояти Панҷоби Ҷумҳурии Ҳиндустон сафар намуд. Зимни он бо Директори генералии Коллеҷи таҳсилоти техникии вилояти Панҷоби Ҷумҳурии Ҳиндустон вохӯрӣ намуд. Дар ин хусус ба АМИТ «Ховар» аз ин донишгоҳ хабар доданд.
Зимни вохӯрӣ ҷонибҳо масъалаҳои густариши ҳамкории илмӣ ва таълимиро байни муассисаҳои таҳсилоти олии ду кишвар мавриди баррасӣ қарор дода, ба роҳ мондани робитаҳои мустақими академӣ, табодули таҷриба байни омӯзгорону муҳаққиқон, инчунин татбиқи лоиҳаҳои муштараки илмиро муҳим арзёбӣ намуданд.
Зимни суҳбат ректори Донишгоҳи давлатии омӯзгории Тоҷикистон дар бораи самтҳои асосии фаъолияти донишгоҳ, дастовардҳои илмӣ, имконияти таълимӣ ва нақши муассиса дар омодасозии кадрҳои баландихтисос маълумот пешниҳод намуд.
Директори генералии Коллеҷи таҳсилоти техникии вилояти Панҷоб аз рушди ҳамкории академӣ бо муассисаҳои таҳсилоти олии Ҷумҳурии Тоҷикистон изҳори ҳавасмандӣ намуда, изҳор дошт, ки таҳкими робитаҳои илмӣ ва таълимӣ метавонад ба рушди таҳқиқоти муштарак ва табодули дониш байни донишгоҳҳо мусоидат намояд.
Дар доираи ин сафар ректори донишгоҳ дар муассисаҳои таҳсилоти олии вилояти Панҷоби Ҷумҳурии Ҳиндустон бо ҷараёни дарсҳо ва корҳои таҷрибаомӯзии донишҷӯёни факултетҳо шинос гардид.
Ректори донишгоҳ бо фаъолияти таълимӣ ва таҷрибавии факултетҳои химия, информатика, технология, зеҳни сунъӣ, ҳунарҳои мардумӣ ва инженерӣ ва рафти баргузории дарсҳои назариявӣ ва амалии донишҷӯён шинос шуд.
Ҳамчунин бо корҳои лаборатории донишҷӯён бо тарзи гузаронидани машғулияти амалӣ ва сатҳи истифодаи таҷҳизоти таълимӣ аз наздик ошно гардид.
Дар ҷараёни вохӯрӣ бо донишҷӯён ректори донишгоҳ дар бораи фаъолияти Донишгоҳи давлатии омӯзгории Тоҷикистон, имконоти таҳсил, шароити будубош, дастовардҳои илмӣ ва таълимии муассиса маълумоти муфассал пешниҳод намуд.
Ҳамзамон донишҷӯён барои иштирок дар барномаҳои табодули академӣ ва идомаи таҳсил дар зинаи магистратура дар Донишгоҳи давлатии омӯзгории Тоҷикистон даъват карда шуданд.
АКС: Донишгоҳи давлатии омӯзгории Тоҷикистон ба номи Садриддин Айнӣ
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
