Шералӣ Кабир бо Вазири сармоягузорӣ, саноат ва савдои Узбекистон Лазиз Қудратов мулоқот намуд
ДУШАНБЕ, 25.03.2026 /АМИТ «Ховар»/. 24 март дар шаҳри Тошканд мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир бо Вазири сармоягузорӣ, саноат ва савдои Ҷумҳурии Узбекистон Лазиз Қудратов баргузор гардид.
Тавре ба АМИТ «Ховар» аз Вазорати саноат ва технологияҳои нави Ҷумҳурии Тоҷикистон хабар доданд, зимни мулоқот ҷонибҳо татбиқи масъалаҳоеро, ки дар санадҳои қаблии баимзорасидаи байнидавлатӣ доир ба густариши ҳамкорӣ дар соҳаи саноат ва пешбурди ташаббусҳои муштарак дар соҳаҳои металлургия, саноати мошинсозӣ, нассоҷӣ, истеҳсоли масолеҳи сохтмонӣ, фарматсевтӣ ва дигар бахшҳои дорои аҳамияти стратегӣ омадаанд, баррасӣ намуданд.
Ҷонибҳо барои амалигардонии лоиҳаҳои муштарак изҳори ҳавасмандӣ карда, қадамҳои минбаъдаро барои омодасозии инфрасохтор, оғоз намудани корҳои сохтмонӣ ва ба роҳ мондани хатҳои муосири истеҳсолӣ дар корхонаҳои таъсисшавандаи саноатӣ дар қаламрави ҳарду давлат муайян намуданд.
Таъкид гардид, ки густариши минбаъдаи ҳамкорӣ байни Тоҷикистон ва Узбекистон ба тақвияти шарикии стратегии ду мамлакат, афзоиши ҳаҷми молу маҳсулот ва рушди устувори иқтисодии минтақа мусоидат мекунад.
АКС: Вазорати саноат ва технологияҳои нави Ҷумҳурии Тоҷикистон
Байни Тоҷикистон ва Қазоқистон дар самти муқовимат ба коррупсия Ёддошти тафоҳум оид ба ҳамкорӣ ба имзо расонида шуд
Дар ноҳияи Ҷайҳун сохтмони неругоҳи барқи офтобӣ бо иқтидори 250 мегаватт идома дорад
Қонуни Ҷумҳурии Тоҷикистон «Дар бораи сиёсати аграрӣ» таҳия гардидааст
КОНСЕПСИЯИ ИҚТИСОДИ РАҚАМӢ. Он санади муҳим дар самти рақамикунонии иқтисодиёти миллии Тоҷикистон аст
Барномаи рушди чарогоҳҳо барои таҳкими иқтисоди Тоҷикистон замина фароҳам меорад
Дар самти шарқии шаҳри Душанбе зеристгоҳи нави барқии 220 кВ сохта мешавад
Дар Душанбе ҳамоиши картошкапарварон ва намоиш-фурӯши картошка баргузор мегардад
Густариши ҳамкории иқтисодию тиҷоратии Тоҷикистону Олмон баррасӣ гардид
Дар Тоҷикистон ҳамоиши картошкапарварон баргузор мешавад
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
