Тоҷикистон бо Созмони ҷаҳонии сайёҳӣ ҳамкориро тақвият мебахшад

ДУШАНБЕ, 26.03.2026. /АМИТ «Ховар»/. 25 март мулоқоти Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, Намояндаи доимии Ҷумҳурии Тоҷикистон дар назди Шуъбаи Созмони Милали Муттаҳид ва дигар ташкилотҳои байналмилалӣ дар Женева Шараф Шерализода бо Котиби генералии Созмони ҷаҳонии сайёҳӣ Шайха Насер Ал Новаис баргузор шуд.

Тавре ба АМИТ «Ховар» аз Сафорати Ҷумҳурии Тоҷикистон дар Конфедератсияи Швейтсария хабар доданд, дар рафти вохӯрӣ ҷонибҳо масъалаҳоро оид ба тақвияти ҳамкории Тоҷикистон бо Созмони ҷаҳонии сайёҳӣ дар татбиқи лоиҳаҳои муштарак дар сoҳаи сайёҳӣ ва гузаронидани форумҳои байналмилалӣ мавриди баррасӣ қарор доданд.

Бояд гуфт, ки мулоқот дар ҳошияи Конгреси 13-уми ҷаҳонӣ оид ба сайёҳию куҳнавардӣ, барқарорсозӣ ва варзиши зимистона, ки аз 25 то 27 март дар Андорра идома хоҳад ёфт, баргузор гардид.

АКС: Сафорати Ҷумҳурии Тоҷикистон дар Конфедератсияи Швейтсария