Тоҷикистон ва Ҳиндустон ҳамкориро дар самти рушди манбаъҳои барқароршавандаи энергия тавсеа мебахшанд
ДУШАНБЕ, 26.03.2026./АМИТ «Ховар»/. Дар доираи Форуми байналмилалии «Bharat Electricity Summit 2026», ки дар Ҳиндустон баргузор гардид, Вазири энергетика ва захираҳои оби Ҷумҳурии Тоҷикистон Далер Ҷумъа бо Вазири манбаъҳои нав ва барқароршавандаи энергияи Ҳиндустон Пралҳад Ҷошӣ мулоқот намуд.
АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад, ки дар мулоқот ҷонибҳо дурнамои тавсеаи ҳамкории энергетикиро байни ду давлат мавриди баррасӣ қарор доданд. Ҳамзамон мусоҳибон оид ба масоили марбут ба рушди манбаъҳои барқароршавандаи энергия таваҷҷуҳ зоҳир намуданд.
Далер Ҷумъа иброз дошт, ки Тоҷикистон дорои иқтидори бузурги гидроэнергетикӣ буда, дар баробари ин, бо мақсади гуногунсозии тавозуни энергетикӣ рушди энергияи офтобиро фаъолона пеш мебарад.
Пралҳад Ҷошӣ ба дастовардҳои Ҳиндустон дар самти гузариш ба энергетикаи устувор ишора намуд. Ҳамчунин, ҷониби Ҳиндустон Тоҷикистонро барои ҳамроҳ шудан ба ташаббуси байналмилалии «International Solar Alliance» даъват кард.
Дар ҷараёни мулоқот ба татбиқи лоиҳаи минтақавии «CASA-1000», ки ба содироти неруи барқ аз Осиёи Марказӣ ба Осиёи Ҷанубӣ равона шудааст, таваҷҷуҳи махсус зоҳир гардид.
АКС: Вазорати энергетика ва захираҳои оби Ҷумҳурии Тоҷикистон
Соли 2026 дар вилояти Хатлон 46 коргоҳу корхонаи нави саноатӣ таъсис дода шуд
Ҳавопаймои нави Boeing 737-8 MAX ба Тоҷикистон ворид карда шуд
«МЕЪМОР-2026». Намоиш — озмуни ҷумҳуриявии беҳтарин лоиҳаҳои меъморӣ ва шаҳрсозӣ дар вилояти Суғд доир мешавад
ИСТИФОДАИ САМАРАНОКИ ЗАМИН. Дар ноҳияи Носири Хусрав моҳи август ҷамъоварии пахта оғоз мегардад
«ЭКО-2026». Дар мавзеи Ҳафткӯли шаҳри Панҷакент Ниммарафони панҷуми кӯҳӣ баргузор мешавад
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир мегардад
Дар сардхонаҳо ва анборхонаҳои Тоҷикистон ҳаҷми муайяни маҳсулоти кишоварзӣ захира гардидааст
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
