ЗИНДАГӢ АЗ МОДАР САРЧАШМА МЕГИРАД. Дар ноҳияи Фирдавсӣ чорабинии сиёсӣ — фарҳангӣ доир гардид
ДУШАНБЕ, 04.03.2026 /АМИТ «Ховар»/. Бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ ба ифтихори Рӯзи Модар чорабинии сиёсӣ — фарҳангӣ баргузор гардид. Дар ин хусус ба АМИТ «Ховар» аз Кумитаи иҷроияи ҳизб дар ноҳияи Фирдавсӣ хабар доданд.
Иштирокчиёни ҳамоиш бо намоиши ҳунарҳои мардумӣ, аксу мусавварҳои инъикоскунандаи расму ойин, урфу анъана, либоси миллӣ ва дастовардҳои даврони соҳибистиқлолии мамлакат шинос шуданд.
Иброз гардид, ки Зан — Модар ба мисли баҳор соҳибназокату шодирез, хуррамгарову сабзманиш, шукуфабору латофатзамир ва хушнигору мунир буда, бо оғози фасли шукуфтану рустанҳо ва дар арафаи ҷашни муҳаббатҳузуру меҳртабори мо- Наврӯз ҳамҷоя омадани Рӯзи Модар бисёр рамзи нек ва хуҷаставу мубарро аст.
Мақому манзалати ӯ дар ҳама давру замон болотар аз кулли арзишҳо шинохта шудааст. Хушбахтона, дар солҳои соҳибистиқлолӣ дар Тоҷикистон бо мақсади дастгирии занону модарон ва баланд бардоштани мавқеи онҳо дар ҷомеа тадбирҳои судманд андешида шуданд, ки ҳар яке аз онҳо тавонист мавқеи занонро дар ҷомеа ба сатҳи зарурӣ баланд бардорад.
Ин аст, ки дар сиёсати хирадмандонаи Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон баланд бардоштани мақоми занону духтарон ва ҷалби онҳо ба корҳои ҷамъиятиву сиёсӣ ва иқтисодию фарҳангӣ яке аз ҳадафҳои меҳварӣ маҳсуб шуда, дар ин самт корҳои зиёде ба анҷом расидаанд.
Ҳизби Халқии Демократии Тоҷикистон низ тавассути ин неруи созанда ва бунёдкор сафҳои худро комил сохта, ба хотири шукуфоӣ ва ояндаи неки мамлакат ҳузури онҳоро дар мақомоти гуногун муҳим мешуморад.
Ҳамзамон филм бо унвони «Меҳри модар» оид ба заҳмату талоши занон ва арҷгузорӣ ба хизматҳои шабонарӯзии модарон барои ба камол расонидани фарзандон ба ҳозирин пешниҳод карда шуд.
АКС: Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
