Ҳайати Тоҷикистон дар Анҷумани XV онкологҳо ва радиологҳои кишварҳои ИДМ ва Авруосиё иштирок намуд
ДУШАНБЕ, 25.04.2026. /АМИТ «Ховар»/. Аз 22 то 24 апрел дар шаҳри Мински Ҷумҳурии Беларус Анҷумани XV онкологҳо ва радиологҳои кишварҳои Иттиҳоди Давлатҳои Мустақил ва Авруосиё баргузор гардид, ки дар кори он ҳайати Тоҷикистон иштирок кард.
Тавре ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, дар анҷуман директори Маркази ҷумҳуриявии илмии саратоншиносӣ Акбар Муродзода дастовардҳои муҳими соҳаи хизматрасонии онкологии Ҷумҳурии Тоҷикистонро муаррифӣ намуд.
Намояндаи Тоҷикистон иброз дошт, ки дар соҳа усулҳои муосири ташхису табобат ба роҳ монда шуда, истифодаи амалиётҳои каминвазивӣ густариш ёфта истодааст. Чунин амалиётҳо бе осеби калон гузаронида шуда, барқароршавиро дар муддати кутоҳ таъмин менамоянд.
Инчунин иттилоъ дода шуд, ки «Барномаи давлатии пешгирӣ ва назорати бемориҳои онкологӣ дар Ҷумҳурии Тоҷикистон барои солҳои 2025–2029» ба такмили низоми ташхиси барвақт, табобат ва паст намудани сатҳи фавт аз бемориҳои онкологӣ нигаронида шудааст.
Ҳамзамон дар доираи анҷуман нақшаи чорабиниҳо оид ба рушди ҳамкорӣ дар самти ташхис ва табобат байни муассисаҳои соҳавии Ҷумҳурии Тоҷикистон ва Ҷумҳурии Беларус ба имзо расид. Ин ҳуҷҷат густариши ҳамкории илмӣ-амалӣ, мубодилаи таҷриба байни мутахассисон, ҷорӣ намудани усулҳои муосири ташхис ва табобат, инчунин рушди барномаҳои муштараки таълимӣ ва таҷрибаомӯзиро пешбинӣ менамояд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Пагоҳ дар Душанбе Фестивали гулҳо таҳти унвони «Сайри гули лола» ҷамъбаст мегардад
Дар Боғи фарҳангӣ-фароғатии «Куруши Кабир» Намоиш-фурӯши маҳсулоти ҳунармандӣ идома дорад
Бо сокинони шаҳри Конибодом дар мавзуи худогоҳию худшиносии миллӣ вохӯрӣ баргузор шуд
Бахшида ба Рӯзи умумиҷаҳонии ҳифзи меҳнат ҳамоиш доир шуд
Дар мавзуи «Худогоҳию худшиносии миллӣ – василаи мубориза бо таассуб ва хурофот» бо сокинони шаҳри Исфара вохӯрӣ доир шуд
Ҳамкории Тоҷикистон бо Бунёди Ҳаннс Зайдел (Олмон) дар Осиёи Марказӣ баррасӣ гардид
«КАДБОНУИ БЕҲТАРИН». Шаҳри Хоруғ дар даври вилоятии ин озмун сазовори Шоҳҷоиза гардид
26 апрел даври ҷумҳуриявии озмуни «Сайри гули лола» баргузор мегардад
Ҳизби Халқии Демократии Тоҷикистон — ниҳоди мафкурасоз ва таҳкимбахши худшиносии миллӣ
Дар ноҳияи Айнӣ беморхонаи минтақавӣ бунёд карда мешавад
Таҷрибаи Тоҷикистон дар ислоҳоти соҳаи тандурустӣ дар доираи СҲШ муаррифӣ карда шуд
20 АПРЕЛ — РӮЗИ КОРМАНДОНИ МАҚОМОТИ АДЛИЯ. Ин мақомот сиёсати ҳуқуқии давлатро таъмин мекунад
