Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
ДУШАНБЕ, 08.04.2026. /АМИТ «Ховар»/. Имрӯз дар шаҳри Душанбе ҷаласаи нахустини гурӯҳи корӣ байни Агентии инноватсия ва технологияҳои рақамии назди Президенти Ҷумҳурии Тоҷикистон ва Вазорати рушди рақамӣ, алоқа ва коммуникатсияҳои оммавии Федератсияи Русия баргузор гардид. Дар ин хусус ба АМИТ «Ховар» аз Агентии инноватсия ва технологияҳои рақамӣ хабар доданд.
Дар чорабинӣ директори Агентии инноватсия ва технологияҳои рақамӣ Хуршед Мирзо ва муовини Вазири рушди рақамӣ, алоқа ва коммуникатсияҳои оммавии Федератсияи Русия Сергей Кучушев иштирок намуданд.
Таъкид гардид, ки ҷаласаи нахустини гурӯҳи корӣ ҷиҳати татбиқи Ёддошти тафоҳум оид ба ҳамдигарфаҳмӣ байни байни Агентии инноватсия ва технологияҳои рақамии назди Президенти Ҷумҳурии Тоҷикистон ва Вазорати рушди рақамӣ, алоқа ва коммуникатсияҳои оммавии Федератсияи Русия вобаста ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид.
Зимни ҷаласа ҷонибҳо масъалаҳои муҳими ҳамкориро мавриди баррасӣ қарор дода, аҳамияти рушди ҳукумати электронӣ ва такмили хизматрасониҳои давлатиро таъкид намуданд.
Ҳамзамон омодагии ҷонибҳо барои татбиқи лоиҳаҳои муштараки пилотӣ, рушди инфрасохтори рақамӣ, таъмини амнияти киберӣ, омодасозии кадрҳои баландихтисос, рушди соҳибкории рақамӣ, ҳамкорӣ дар самти зеҳни сунъӣ, ташкили барномаҳои муштараки таълимӣ ва табодули таҷриба изҳор карда шуд.
Дар идома ҳайати гурӯҳи кории ҷониби Федератсияи Русия аз Маркази хизматрасониҳои давлатӣ боздид намуда, бо ҷараёни пешниҳоди хизматрасониҳои давлатӣ дар шакли рақамӣ ва фаъолияти инфрасохтори муосири хизматрасонӣ аз наздик шинос гардид.
Дар фарҷом ҷонибҳо омодагии худро барои густариши минбаъдаи ҳамкории мутақобилан судманд изҳор намуда, баргузории ҷаласаҳои гурӯҳи кориро омили муҳими таъмини иҷрои самараноки тавофуқоти бадастомада арзёбӣ карданд.
АКС: Агентии инноватсия ва технологияҳои рақамӣ
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
