Ҷаласаи навбатии Шурои миллии муқовимат ба коррупсияи Ҷумҳурии Тоҷикистон баргузор шуд
ДУШАНБЕ, 16.04.2026. /АМИТ «Ховар»/. 16 апрел дар бинои Ҳукумати Ҷумҳурии Тоҷикистон таҳти раёсати Сарвазири мамлакат Қоҳир Расулзода ҷаласаи навбатии Шурои миллии муқовимат ба коррупсияи Ҷумҳурии Тоҷикистон баргузор гардид.
Дар кори он аъзои Шуро аз ҳисоби ёрдамчиёни Президенти Ҷумҳурии Тоҷикистон, намояндагони Маҷлиси Олии Ҷумҳурии Тоҷикистон, роҳбарони вазорату идораҳо, ҳизбҳои сиёсӣ ва иттиҳодияҳои ҷамъиятӣ иштирок намуданд.
Сарвазири мамлакат Қоҳир Расулзода нахуст доир ба фаъолияти Шуро дар соли 2025 ва нақшаи кори он барои соли 2026 сухан гуфта, иброз намуд, ки самаранокии муқовимат ба коррупсия ба фаъолияти якҷояи мақомоти давлатӣ ва ҷомеаи шаҳрвандӣ тавассути механизмҳои воқеии назорат, шаффофият ва ҳисоботдиҳӣ дар ҳама сатҳҳо вобастагии амиқ дорад.
Маҳз ба ҳамин хотир Шурои миллии муқовимат ба коррупсия ва дар заминаи он комиссияҳои ҷамъиятӣ оид ба пешгирии коррупсия дар назди мақомоти иҷроияи маҳалии ҳокимияти давлатии вилоят, шаҳр ва ноҳия таъсис дода шуда, вазифаи асосии он ташкил ва амалӣ намудани чораҳои маҷмуии муқовимат ба коррупсия ва ҳамоҳангсозии фаъолияти мақомоти давлатӣ бо ҷомеаи шаҳрвандӣ мебошад.
Бо фармони Президенти Ҷумҳурии Тоҷикистон аз 6 марти соли 2026 Нақшаи чорабиниҳои амалисозии “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030”, дар марҳилаи дуюм (солҳои 2026-2030) тасдиқ шудааст. Дар доираи он диққати асосӣ ба тақвият бахшидани чораҳои пешгирӣ дар соҳаҳои осебпазир ба коррупсия, бахусус бартараф кардани омилҳои инсонӣ, бо роҳи рақамикунонӣ ва таъмини шаффофият дар низоми идоракунии давлатӣ ва бахши хусусӣ, инчунин густариши ҳамкории байналмилалӣ ва ба таври васеъ расонаӣ кардани дастовардҳои мамлакат дар ин самт дода шудааст.
Дар ҷаласа ҳамчунин натиҷаҳои мониторинги маҷмуии ҷараёни иҷрои “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” ва фаъолияти комиссияҳои ҷамъиятӣ оид ба пешгирии коррупсия дар назди мақомоти иҷроияи маҳалии ҳокимияти давлатӣ, инчунин масъалаи истифодаи технологияҳои рақамӣ дар раванди муқовимат ба коррупсия баррасӣ гардид.
Бо ёдоварӣ аз супоришҳои Президенти Ҷумҳурии Тоҷикистон муҳтарам Эмомалӣ Раҳмон ва татбиқи саривақтии санадҳои дахлдор таъкид гардид, ки тезонидани раванди рақамикунонии хизматрасониҳои давлатӣ ва вусъат додани пардохтҳои ғайринақдӣ роҳи асосии пешгирӣ аз коррупсия мебошад. Дар ин замина ба мақомоти масъул супоришҳои мушаххас дода шуд.
Дар фарҷоми ҷаласа Нақшаи кории Шурои миллии муқовимат ба коррупсияи Ҷумҳурии Тоҷикистон барои соли 2026 тасдиқ гардид.
Доир ба рақамикунонии минтақаҳои озоди иқтисодӣ дар шароити кишварҳои Авруосиё форуми байналмилалӣ баргузор мешавад
То соли 2030 беш аз 16 ҳазор гектар замин ба гардиши кишоварзӣ дароварда мешавад
Ҷалби ширкатҳои чинӣ барои татбиқи лоиҳаҳои энергетикии Тоҷикистон баррасӣ гардид
Муҳаммад Ҳасан Асадӣ бо фаъолият ва имконоти технологӣ ва инфрасохтории «Шаҳри ҳушманд» шинос шуд
Нақшаи қисми даромади буҷети маҳаллии шаҳри Ҳисор дар нимсолаи якуми соли 2026 сад фоиз иҷро шуд
Тоҷикистон ҳамкориро дар самти рақамикунонӣ бо Фонди Авруосиёии субот ва рушд таҳким мебахшад
Дар ноҳияи Ашт неругоҳи офтобӣ ба истифода дода мешавад
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
