Аз ноҳияи Дӯстӣ ба Федератсияи Русия маҳсулоти кишоварзӣ содирот мегардад
ДУШАНБЕ, 19.04.2026. /АМИТ «Ховар»/. Аз Ҷамоати деҳоти Нури Вахши ноҳияи Дӯстӣ то имрӯз 50 тонна сабзавоти барвақтӣ ба Федератсияи Русия содирот гардидааст. Дар ин хусус ба АМИТ «Ховар» аз Сарраёсати кишоварзии ноҳияи Дӯстӣ иттилоъ доданд.
Сокинони Ҷамоати деҳоти Нури Вахши ноҳияи Дӯстӣ дар қитъаҳои заминҳояшон бештар сабзавотӣ барвақтӣ парвариш намудаанд. Дар айни замон ҷамъоварии пиёзи баварқтӣ, картошка, гулкарам ва дигар навъи сабзавот идома дорад.
Сокини ин ҷамоат Аловуддин Алимардонов чанд сол аст, ки ба парвариши гулкарам машғул мебошад. Ӯ дар 18 садяк замини наздиҳавлигияш ҳамасола ин намуди сабзавоти барвақтиро кишт намуда, ҳосили дилхоҳ ба даст меорад.
Имсол низ ӯ 8 ҳазор дона ниҳоли гулкарамро парвариш намудааст. Аз ҳосили рӯёнида як қисмашро ба Федератсияи Русия ва боқимондаашро ба бозорҳои истеъмолии мамлакат пешниҳод намуд.
Тавре Аловуддин Алимардонов иброз намуд, пеш аз кишти ин навъи сабзавот ба сифати тухмӣ аҳамият дода, беҳтаринашро интихоб менамояд.
«Дар моҳи декабр тухмиро дар гармхона парвариш карда, моҳи феврал ба замини омодакарда мегузаронем. Нигоҳубини саривақтӣ, додани ғизоҳои минералӣ ва дигар шаклҳои коркарди кишоварзӣ имконият медиҳанд, ки дар вақти муайяншуда ҳосили хубу фаровон ҷамъоварӣ карда шавад», — афзуд Аловуддин Алимардонов.
Дар айни замон сокинони ноҳия нақша доранд, ки заминро барои кишти такрорӣ ва маккаи дон омода карда, захираи хӯроки чорворо низ таҳия намоянд.
АКС: АМИТ «Ховар»
Масоили табодули таҷриба ва омӯзиши мутахассисони тоҷик дар озмоишгоҳҳои Институти байтории Италия баррасӣ гардид
Байни мақомоти гумруки Тоҷикистон ва Русия Протокол ба имзо расонида шуд
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
Масоили соҳаи роҳсозӣ ва роҳдорӣ дар Осиёи Марказӣ дар Конфронси панҷуми байналмилалии CARS-2026 дар Душанбе баррасӣ гардид
Ҳайати Тоҷикистон дар ҷаласаи Шурои ҳамоҳангсозии роҳбарони мақомоти тафтиши андозии кишварҳои аъзои ИДМ иштирок намуд
«Shohin Airlines» як ҳавопаймои навъи L-410-ро вориди парки ҳавопаймоҳояш намуд
Дар Брест ҷаласаи 83-юми Шурои роҳбарони хадамоти гумруки давлатҳои ИДМ баргузор гардид
Форуми «CAPIF-5» дар Душанбе ба таҳкими пайвастагии рақамӣ ва рушди ҳамкории интернетии Осиёи Марказӣ бахшида шуд
