Бахшида ба Наврӯз дар Боку шоми фарҳангии «Chakan Fashion Show: мероси анъанаҳо давоми асрҳо» баргузор шуд
ДУШАНБЕ, 08.04.2026 /АМИТ «Ховар»/. Ба муносибати Ҷашни байналмилалии Наврӯз дар пойтахти Озарбойҷон- шаҳри Боку бо ташаббуси Сафорати Ҷумҳурии Тоҷикистон дар Ҷумҳурии Озарбойҷон таҳти унвони «Chakan Fashion Show: мероси анъанаҳо давоми асрҳо» шоми фарҳангӣ баргузор гардид.
АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Озарбойҷон иттилоъ медиҳад, ки дар ин чорабинии фарҳангӣ Тоҷикистонро тарроҳони боистеъдоди тоҷик бо намоиши коллексияҳои «Чакан», «Нури Бадахшон» ва «Навои Хуросон», ки тараннумгари ҳунару маҳорати баланди мероси фарҳангу ҳунари миллии тоҷикон мебошанд, муаррифӣ намуданд.
Сафири Тоҷикистон иброз намуд, ки Ҷашни байналмилалии Наврӯз ҳамчун мероси ғании маънавӣ ва фарҳангии миллатҳо мардуми дӯсту бародари тоҷику озарӣ ва дигар кишварҳои ҳамсояро муттаҳид месозад. Ҷашни Наврӯз рамзи оғози баҳор ва эҳёи табиат буда, мардумро ба ҳамдиливу созандагӣ ва ҳамбастагӣ ҳидоят менамояд.
Дар чорабинии фарҳангӣ меҳмонон аз намояндагиҳои дипломатӣ ва созмонҳои байналмилалӣ, мақомоти расмӣ ва вазорату идораҳои гуногуни кишвари иқомат, вакилони Маҷлиси миллӣ ва аҳли зиё, ҳамватанони бурунмарзӣ ва донишҷӯёни тоҷик, ки дар донишгоҳҳои Озарбойҷон таҳсил менамоянд, иштирок намуданд.
Ҳамзамон барои меҳмонон суфраи наврӯзӣ иборат аз ҳафтсин ва ҳафтшин ороста шуда, суруду таронаҳои дилнишини санъаткорони маъруфи тоҷик ва озарӣ табъи ҳозиринро шод намуданд.
АКС: Сафорати Ҷумҳурии Тоҷикистон дар Ҷумҳурии Озарбойҷон
Китоби «Тоҷикон»-и Бобоҷон Ғафуров ба забони олмонӣ нашр гардид
Ҳамкории Тоҷикистон ва Олмон дар қолаби ҳамкории бисёрҷониба баррасӣ гардид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Барномаи кишварии ЮНИСЕФ барои Тоҷикистон барои солҳои 2027-2030 қабул шуд
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
