Байни Тоҷикистон ва Арабистони Саудӣ дар самти таҳсилоти касбӣ Ёддошти тафоҳум ба имзо расид
ДУШАНБЕ, 09.04.2026. /АМИТ «Ховар»/. Самтҳои афзалиятноки ҳамкории дуҷониба дар соҳаи таҳсилоти техникӣ ва касбӣ, аз ҷумла таҷрибаҳои нави таълимӣ ва усулҳои муосири омӯзгорӣ 8 апрел дар мулоқоти Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ ва муовини Раиси Корпоратсияи таълимии техникӣ ва касбии Подшоҳии Арабистони Саудӣ Адил Ҳамад Алзенедӣ баррасӣ гардиданд. Дар ин хусус АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбӣ хабар медиҳад.
Муовини Раиси Корпоратсияи таълимии техникӣ ва касбии Подшоҳии Арабистони Саудӣ Адил Ҳамад Алзенедӣ доир ба таҷриба ва усулҳои пешрафтаи таълими техникӣ ва касбии Подшоҳии Арабистони Саудӣ сухан гуфта, таклиф намуд, ки омӯзгорони тоҷик метавонанд дар Подшоҳии Арабистони Саудӣ барои касбомӯзон аз рӯйи барномаҳои омӯзиши зеҳни сунъӣ машғулияти кӯтоҳмуддат гузаронанд. Ин пешниҳод, ки асосан ба баланд бардоштани сатҳи омӯзиши технологӣ ва малакаҳои инноватсионӣ равона шудааст, имконияти дастрасӣ ба таҷрибаҳои байналмилалӣ ва навовариҳои соҳаи зеҳни сунъиро барои омӯзгорони тоҷик фароҳам меорад. Он метавонад дар барномаҳои таълимии муассисаҳои Тоҷикистон ба таври ҷиддӣ татбиқ шавад.
Дар анҷоми мулоқот байни роҳбарони Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва Корпоратсияи таълимии техникӣ ва касбии Подшоҳии Арабистони Саудӣ Ёддошти тафоҳум имзо гардид.
Тибқи ин ҳуҷҷат дар назар аст, ки дар оянда конференсҳо, машваратҳо, форумҳо ва намоишгоҳҳои муштарак барои муаллимон, шунавандагон ва кормандони муассисаҳои таълимӣ, инчунин таҳқиқот ва омӯзишҳои муштараки техникӣ, ки ба такмили сатҳи таълим ва баланд бардоштани сифати омӯзиш мусоидат менамоянд, гузаронида шаванд.
Инчунин барномаи мубодилаи сафарҳо байни мутахассисони соҳаи таҳсилоти касбӣ ва табодули таҷрибаю дониш дар заминаи барномаҳои омӯзишӣ баён карда шуд, ки имконияти дастрасӣ ба таҷрибаҳои байналмилалиро фароҳам меорад.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
