Беҳтарнамоии сифат ва бехатарии ғизо бо коршиносони Созмони озуқаворӣ ва кишоварзии СММ баррасӣ гардид
ДУШАНБЕ, 04.04.2026 /АМИТ «Ховар»/. Масъалаҳои марбут ба такмили сиёсати давлатӣ дар самти беҳтар намудани сифату бехатарии ғизо ва рушди системаи агро-хӯрокворӣ дар доираи лоиҳаи «Тавсияҳо оид ба сиёсати соҳавӣ барои ҳалли мушкилоти ғизои носолим дар заминаи системаи амалкунандаи агро—хӯрокворӣ» 1 апрел дар вохӯрии роҳбарияти Кумитаи бехатарии озуқавории назди Ҳукумати Ҷумҳурии Тоҷикистон бо коршиносони Созмони озуқаворӣ ва кишоварзии Созмони Милали Муттаҳид (FAO) мавриди баррасӣ қарор гирифтанд.
Тавре АМИТ «Ховар» бо истинод ба Кумитаи бехатарии озуқаворӣ хабар медиҳад, ҷонибҳо инчунин доир ба роҳҳои коҳиш додани истеъмоли ғизои носолим, баланд бардоштани маърифати аҳолӣ дар самти ғизои солим ва таҳкими ҳамкории байналмилалӣ ва техникӣ мубодилаи афкор намуданд.
Муовини якуми Раиси Кумитаи бехатарии озуқаворӣ Маҳмуд Ширинҷонзода иброз намуд, ки ҳамкории Созмони озуқаворӣ ва кишоварзии Созмони Милали Муттаҳид дар самти таъмини амнияти озуқаворӣ, беҳтар намудани назорати байторию фитосанитарӣ, пешгирии бемориҳои сироятии ҳайвонот ва рушди устувори низоми агро-хӯрокворӣ аҳамияти муҳим доранд. Татбиқи чунин лоиҳаҳо метавонад ба таҳияи тавсияҳои амалӣ ва такмили сиёсати соҳавӣ дар ҷумҳурӣ мусоидат намояд.
Маҳмуд Ширинҷонзода омодагии Кумитаи бехатарии озуқавориро барои густариши ҳамкории минбаъда бо Созмони озуқаворӣ ва кишоварзии Созмони Милали Муттаҳид дар доираи лоиҳаҳои муштарак иброз намуда, аҳамияти таҳкими робитаҳои соҳавиро барои рушди устувори соҳаи амнияти озуқаворӣ ва ҳифзи саломатии аҳолӣ муҳим арзёбӣ намуд.
АКС: Кумитаи бехатарии озуқавории назди Ҳукумати Ҷумҳурии Тоҷикистон
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
