Дар Боғи фарҳангӣ-фароғатии «Куруши Кабир» Намоиш-фурӯши маҳсулоти ҳунармандӣ идома дорад
ДУШАНБЕ, 25.04.2026. /АМИТ «Ховар»/. Тавре қаблан иттилоъ додем, бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон дар Боғи фарҳангӣ-фароғатии «Куруши Кабир»-и шаҳри Душанбе шуруъ аз 1 март Намоиш-фурӯши маҳсулоти ҳунармандӣ ташкил карда шудааст, ки то 31 май идома меёбад.
Тавре ба АМИТ «Ховар» аз ин кумита хабар доданд, шуруъ аз 24 апрел то 31 май дар ин макон аз шаҳру ноҳияҳои Вилояти Мухтори Кӯҳистони Бадахшон ҳунармандон маҳсули дасти худро ба намоиш – фурӯш мегузоранд.
Маҳсули дасти ҳунармандони ин минтақа бо услуб ва нақшу нигори хоси худ фарқ дошта, таъриху фарҳанги қадимаи мардуми Бадахшонро инъикос мекунад. Меҳмонон ва сокинони шаҳри Душанбе имкон доранд аз маҳсулоти хоси ин минтақа, аз ҷумла гарданбандҳои зебои дастӣ, тоқиҳои миллии рангоранг, ҷӯробҳои бо нақшу нигори анъанавӣ ва дигар ашёи ҳунармандиро харидорӣ намоянд.
Ёдовар мешавем, ки дар ин намоиш-фурӯш занони ҳунарманди шаҳру ноҳияҳои мамлакат, гирандагони гранти президентӣ ва соҳибкорзанон имкон доранд, ки маҳсулоти истеҳсолнамудаашонро ба фурӯш гузоранд. Дар ин ҷо доираи васеи маҳсулоти ҳунармандӣ, аз қабили либосҳои миллӣ, сӯзанидӯзӣ, адрасу атлас, гулдӯзӣ, маҳсулоти бофандагӣ, заргарӣ ва дигар намуди ҳунарҳои мардумӣ пешниҳод мегарданд.
АКС: АМИТ «Ховар»
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
