Дар доираи RES-2026 ҳамкории иқлимии кишварҳои Осиёи Марказӣ тақвият меёбад
ДУШАНБЕ, 25.04.2026 /АМИТ «Ховар»/. Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода дар Конфронси ҳаштуми Осиёи Марказӣ оид ба масъалаҳои тағйирёбии иқлим дар мавзуи «Саҳмҳои дар сатҳи миллӣ муайяншуда 3.0: аз уҳдадориҳо то амалҳо», ки дар доираи Саммити минтақавии экологӣ — 2026 (RES-2026) дар шаҳри Остона баргузор гардид, иштирок намуд.
Тавре АМИТ «Ховар» аз Кумитаи ҳифзи муҳити зист хабар доданд, дар конфронс роҳбарону намояндагони мақомоти дахлдори давлатӣ ва созмонҳои байналмилалӣ иштирок намуда, масъалаҳои таҳкими ҳамкории минтақавӣ дар самти ҳифзи муҳити зист ва муқовимат ба тағйирёбии иқлимро баррасӣ карданд.
Абдулло Қурбонзода зимни суханронӣ аҳамияти конфронсро ҳамчун платформаи муҳими минтақавӣ барои муколамаи созанда, табодули таҷриба ва таҳияи равишҳои ҳамоҳангшуда ҷиҳати ҳалли масъалаҳои муҳими иқлимӣ таъкид намуд.
Ҳамзамон директори Агентии обуҳавошиносӣ доир ба иҷрои уҳдадориҳои байналмилалии Ҷумҳурии Тоҷикистон дар доираи Конвенсияи қолабии Созмони Милали Муттаҳид оид ба тағйирёбии иқлим ва Созишномаи Париж маълумот пешниҳод кард.
Дар идомаи конфронс таваҷҷуҳи асосӣ ба ташаккули самти умумии сиёсӣ ва стратегии ҳамкории минтақавӣ бо тамаркуз ба татбиқи Саҳмҳои дар сатҳи миллӣ муайяншудаи давлатҳои Осиёи Марказӣ равона гардид.
Ҳамчунин иштирокчиён афзалиятҳои калидии сиёсати иқлимӣ, эҳтиёҷот ба маблағгузории иқлимӣ ва механизмҳои амалии таҳкими татбиқи даври нави Саҳмҳои дар сатҳи миллӣ муайяншуда — 3.0-ро мавриди баррасӣ қарор доданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
