Дар Донишгоҳи давлатии Хуҷанд даври якуми Озмуни ҷумҳуриявии «Шоҳномахонӣ» баргузор гардид
ДУШАНБЕ, 04.04.2026 /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров даври якуми Озмуни ҷумҳуриявии «Шоҳномахонӣ» баргузор гардид, хабар медиҳад АМИТ «Ховар» бо истинод ба донишгоҳ.
Дар даври якум 27 нафар аз ҳисоби донишҷӯён, магистрантон ва омӯзгорони донишгоҳ иштирок намуданд. Сатҳи дониш ва маҳорати онҳо аз рӯйи якчанд меъёр, аз ҷумла таҳияи дафтари довталаб, дурусту беғалат будани матн, қобилияти шарҳу тавзеҳи ашъори азёдкардашуда, донистани зиндагиномаи Абулқосим Фирдавсӣ, қироати ифоданок, захираи луғавӣ, азёд намудани байтҳо дар мавзуъҳои ахлоқию ватандӯстӣ, инчунин донистани на камтар аз 70 қаҳрамони «Шоҳнома» ва корномаи онҳо арзёбӣ гардид.
Ҳайати ҳакамони озмун аз ҳисоби мутахассисони варзидаи донишгоҳ интихоб шуд. Дар натиҷаи ҷамъбасти даври аввал 9 иштирокчӣ ба даври шаҳрии озмун роҳхат гирифт.
Бояд гуфт, ки арҷгузорӣ ба хизматҳои шоири классики тоҷик Абулқосим Фирдавсӣ ва омӯзиши осору таърихи пурғановату пурифтихори миллати тоҷик, омӯзиши амиқу ҳамаҷонибаи корномаҳои шоистаи ниёгони миллат давоми таърих, тақвияти ҳисси худогоҳӣ ва худшиносии миллӣ, ифтихори ватандӯстӣ, таҳкими ҳофизаи аҳолӣ аз ҳадафҳои асосии озмун ба ҳисоб мераванд.
Баргузории чунин озмунҳо ба густариши фарҳанги китобхонӣ, боло бурдани завқи адабӣ ва таҳкими худшиносии миллӣ байни ҷавонон мусоидат намуда, дар тарбияи насли донишманду ватандӯст нақши муҳим мегузорад.
АКС: Донишгоҳи давлатии Хуҷанд ба номи академик Бобоҷон Ғафуров
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
