Дар Донишкадаи байналмилалии Левакант конфронси илмӣ-амалӣ доир гардид
ДУШАНБЕ, 17.04.2026. /АМИТ «Ховар»/. Имрӯз дар Донишкадаи байналмилалии Леваканти Донишгоҳи байналмилалии сайёҳӣ ва соҳибкории Тоҷикистон таҳти унвони «Идоракунии захираҳои обӣ ва рушди иқтисоди «сабз» дар шароити тағйирёбии иқлим» конфронси байналмиллалии илмӣ-амалӣ баргузор гардид, ки дар он намояндагони беш аз 50 давлати ҷаҳон иштирок намуданд, иттилоъ медиҳад хабарнигори АМИТ «Ховар».
Конфронси байналмилалии илмӣ-амалӣ дар доираи Форуми байналмилалии «Ҳамкорӣ ба хотири рушди устувор. Сабз. Рақамӣ. Ҳушманд» доир шуд.
Пеш аз оғози конфронс иштирокдорон ба Осорхонаи таърихии Литсейи касбии саноати кимиёи шаҳри Левакант рафта, бо шароити таълим ва фаъолияти муассиса шинос шуданд.
Иштирокдорони конфронс масъалаҳои муҳими истифодаи самараноки захираҳои обӣ, ҳифзи муҳити зист ва рушди иқтисоди “сабз”-ро дар шароити тағйирёбии иқлим мавриди баррасӣ қарор доданд.
Иброз гардид, ки масъалаи об имрӯз ба яке аз мавзуъҳои калидии рӯзномаи ҷаҳонӣ табдил ёфта, дар шароити тағйирёбии иқлим таваҷҷуҳи ҷомеаи байналмилалиро тақозо менамояд. Ҳамчунин таъкид шуд, ки рушди иқтисоди “сабз” ҳамчун яке аз самтҳои афзалиятнок метавонад дар коҳиши таъсири манфии тағйирёбии иқлим ва беҳтарсозии сатҳи зиндагии аҳолӣ нақши муассир бозад.
АКС: Донишгоҳи байналмилалии сайёҳӣ ва соҳибкории Тоҷикистон
Дар вилояти Хатлон 50 муассисаи нави таълимӣ ба истифода дода шуд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Истифодаи зеҳни сунъӣ ва BIG DATA дар биоинформатика, физика ва модели иқлим баррасӣ гардид
НИШАСТИ МАТБУОТӢ. Дар Донишгоҳи техникии Тоҷикистон даҳ ихтисоси нав таъсис дода шуд
НИШАСТИ МАТБУОТӢ. Дар Тоҷикистон аз рӯи 55 ихтисос мутахассиси соҳаи кишоварзӣ омода карда мешавад
НИШАСТИ МАТБУОТӢ. Дар Донишгоҳи давлатии Бохтар беш аз 400 нафар ҷавонон тибқи квотаи президентӣ таҳсил менамоянд
НИШАСТИ МАТБУОТӢ. Донишгоҳи давлатии омӯзгорӣ расман дар пойгоҳи байналмилалии илмии SCOPUS ба қайд гирифта шуд
НИШАСТИ МАТБУОТӢ. Дар Донишгоҳи давлатии тиббии Тоҷикистон донишҷӯён аз 32 давлати ҷаҳон таҳсил доранд
25 июл натиҷаҳои озмуни тақсимоти асосии довталабон дар ИМД эълон мегардад
Нақши Пешвои миллат дар таҳкими сулҳи пойдори ҷаҳонӣ назаррас аст
Дар Донишгоҳи давлатии Бохтар оид ба Даҳсолаи таҳкими сулҳ ба хотири наслҳои оянда ҳамоиши илмӣ-амалӣ доир шуд
Байни Ҷумҳурии Тоҷикистон ва Муғулистон нахустин Ёддошти тафоҳум оид ба ҳамкорӣ дар соҳаи маориф ба имзо расид
