Дар Душанбе Маркази минтақавии омӯзиш ва мониторинги пиряхҳо ва криосфераи Осиёи Марказӣ таъсис меёбад
ДУШАНБЕ, 23.04.2026. /АМИТ «Ховар»/. Мо нақша дорем, ки дар шаҳри Душанбе Маркази минтақавии омӯзиш ва мониторинги пиряхҳо ва криосфераи Осиёи Марказиро таҳти сарпарастии Созмони ҷаҳонии метеорологӣ таъсис диҳем. Мо ба дастгирии шарикон дар пешбурди ин масъала умед дорем. Чунин иброз намуданд Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар Саммити минтақавии экологии «Диди муштарак барои ояндаи устувор» дар пойтахти Қазоқистон-шаҳри Остона.
Сарвари давлати Тоҷикистон дар ин замина оид ба обшавии босуръати пиряхҳо ва кам шудани захираҳои барф изҳори нигаронӣ намуда, таъкид доштанд, ки аз чордаҳ ҳазор пиряхи Тоҷикистон беш аз 1300 адади онҳо аллакай пурра об шудаанд.
Бо ишора ба ташаббусҳои Ҳукумати Ҷумҳурии Тоҷикистон дар самти обу иқлим ва ҳифзи пиряхҳо Президенти Тоҷикистон изҳор намуданд, ки «кишвари мо дар доираи Раванди оби Душанбе талошҳои пайвастаи худро барои пешбурди рӯзномаи ҷаҳонии обу иқлим идома медиҳад. Имрӯз қатъномаи Созмони Милали Муттаҳид оид ба Даҳсолаи байналмилалии амал «Об барои рушди устувор» дар марҳилаи татбиқи фаъол қарор дорад».
Гуфта шуд, ки дар заминаи Соли байналмилалии пиряхҳо эълон гардидани соли 2025 соли гузашта дар шаҳри Душанбе Конфронси якуми байналмилалии сатҳи баланд оид ба ҳифзи пиряхҳо баргузор гардид. Он ба минбари муассири ҳамоҳангсозии талошҳои ҷонибҳои манфиатдор ва андешидани тадбирҳои минбаъда дар ин самт табдил ёфт.
«Ҳамзамон Қатъномаи Созмони Милали Муттаҳид дар бораи эълон кардани Даҳсолаи амал барои илмҳои криосфера (2025–2034), ки бо ташаббуси муштараки мо ва шарикони байналмилалӣ қабул гардидааст, аҳамияти муҳим дорад»,-таъкид намуданд Президенти Тоҷикистон.
Сарвари давлат изҳор намуданд, ки «ташаббусҳои ҷаҳонии Тоҷикистон пайваста аз ҷониби шарикони мо дастгирӣ ёфта, ҳамчун замина барои пешбурди манфиатҳои муштараки кишварҳои Осиёи Марказӣ дар сатҳи байналмилалӣ хизмат менамоянд. Мавзуъҳои обу муҳити зист дар доираи Конфронси чоруми байналмилалии сатҳи баланд оид ба татбиқи ҳадафҳои Даҳсолаи байналмилалии амал «Об барои рушди устувор», ки даҳаи сеюми моҳи майи соли равон дар шаҳри Душанбе баргузор мегардад, баррасӣ хоҳанд шуд».
АКС: АМИТ «Ховар»
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
