Дар Хатлон доир ба таъмини муассисаҳои таълимӣ бо ғизо вохӯрӣ баргузор гардид
ДУШАНБЕ, 17.04.2026. /АМИТ «Ховар»/. Дар шаҳру ноҳияҳои Кӯлоб, Ҷалолиддини Балхӣ, Дӯстӣ ва Шаҳритуси вилояти Хатлон лоиҳаи «Фаъолияти шабакаи амнияти озуқаворӣ дар Тоҷикистон» амалӣ мегардад, ки ба он кӯдакони аз 6 то 59-моҳа, ки аз нуқтаи назари ғизоӣ осебпазиранд, фаро гирифта мишаванд.
Тавре аз хадамоти матбуоти Раиси вилояти Хатлон ба АМИТ «Ховар» иттилоъ доданд, 15 апрел Раиси вилояти Хатлон Давлаталӣ Саид бо намоянда ва директори Барномаи озуқавории ҷаҳонии Созмони Милали Муттаҳид дар Ҷумҳурии Тоҷикистон Симон Ҳоллема вохӯрӣ намуд. Зимни мулоқот доир ба лоиҳаҳои амалигардида дар Хатлон ва таъмини муассисаҳои таълимӣ бо ғизо мубодилаи афкор карда шуд.
Дар доираи лоиҳаи «Фаъолияти шабакаи амнияти озуқаворӣ дар Тоҷикистон» кӯдакони гирифтори камғизоӣ бо маводи махсуси ғизоӣ ва хизматрасонии тиббӣ фаро гирифта мешаванд. Танҳо соли 2025 ба 3347 кӯдак тавассути 209 муассисаи тандурустӣ кумак расонида шудааст.
Иттилоъ дода шуд, ки дар доираи ҳамкории Ҳукумати Ҷумҳурии Тоҷикистон бо Барномаи озуқавории ҷаҳонии Созмони Милали Муттаҳид якчанд лоиҳаҳои муҳим амалӣ мешаванд. Аз ҷумла, бо дастгирии барнома дар Тоҷикистон қариб 2000 муассисаи таҳсилоти умумӣ бо маҳсулоти ғизоии хушсифат таъмин гардида, хонандагони синфҳои ибтидоӣ бо ғизои солим фаро гирифта шудаанд.
Дар анҷоми мулоқот ҷонибҳо барои густариши минбаъдаи ҳамкорӣ ва татбиқи лоиҳаҳои нав дар вилояти Хатлон изҳори омодагӣ намуданд.
АКС: Хадамоти матбуоти Раиси вилояти Хатлон
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
