Дар Кӯлоб Форуми омӯзгорону муҳассилини Тоҷикистону Русия баргузор шуд
ДУШАНБЕ, 09.04.2026. /АМИТ «Ховар»/. Дар шаҳри Кӯлоб таҳти унвони «Забони русӣ дар Тоҷикистон: забон дар асри рақамӣ» Форуми омӯзгорону муҳассилини Тоҷикистону Русия баргузор гардид, хабар доданд ба АМИТ «Ховар» аз Донишгоҳи давлатии Кӯлоб ба номи Абуабдуллоҳи Рӯдакӣ.
Форум бо ибтикори Донишгоҳи давлатии Кӯлоб ба номи Абуабдуллоҳи Рӯдакӣ, Донишгоҳи давлатии педагогии Олтой ва Муассисаи давлатии буҷетии таҳсилоти умумии Русияву Тоҷикистон — «Муассисаи таҳсилоти миёнаи умумӣ бо омӯзиши амиқи фанҳои алоҳида дар шаҳри Кӯлоб ба номи К.Д. Ушинский» доир гардид.
Дар форум масъалаҳои мубрами таълим ва омӯзиши забони русӣ дар Ҷумҳурии Тоҷикистон, табодули таҷриба дар самти истифодаи технологияҳои муосири рақамӣ дар раванди таълим, таҳкими ҳамкории Тоҷикистону Русия дар соҳаи маориф, инчунин баланд бардоштани шавқу рағбати омӯзгорон ва хонандагон ба омӯзиши забони русӣ мавриди баррасӣ қарор дода шуданд.
Намояндагони Донишгоҳи давлатии Кӯлоб масъалаҳои муҳими омӯзиш ва рушди забони русиро дар фазои таълимии вилояти Хатлон ва донишгоҳ мавриди таҳлилу баррасӣ қарор дода, зарурати ҷорӣ намудани усулҳои муосири таълим ва истифодаи технологияҳои рақамиро дар раванди омӯзиш таъкид намуданд.
Иброз гардид, ки баргузории чунин форумҳо ба тақвияти ҳамкории илмӣ-таълимӣ, мубодилаи таҷрибаи пешқадам ва баланд бардоштани сатҳи таълим мусоидат намуда, барои рушди минбаъдаи соҳаи маориф заминаи боэътимод фароҳам меорад.
Иштирокчиёни форум оид ба истифодаи технологияҳои муосир дар таълим, такмили малакаҳои педагогӣ ва густариши робитаҳои байналмилалӣ мубодилаи афкор намуданд.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Дар Донишгоҳи давлатии ҳуқуқ, бизнес ва сиёсати Тоҷикистон оид ба муаммоҳои глобалии экологӣ ҳамоиш доир шуд
Давраи якуми бақайдгирии довталабон барои иштирок дар имтиҳонҳои дохилшавӣ то 30 апрел идома меёбад
Қабули ҳуҷҷатҳо барои соли таҳсил дар муассисаҳои таҳсилоти олии касбии Ҷумҳурии Корея оғоз гардид
ҲУКУМАТИ ЭЛЕКТРОНӢ. Барномаи иттилоотии «Kudak.tj» барои муассисаҳои томактабии шаҳри Душанбе рунамоӣ гардид
Дар Донишгоҳи давлатии Хоруғ Маркази зеҳни сунъӣ ба фаъолият оғоз намуд
Дар Душанбе ғолибони якчанд озмунҳои ҷумҳуриявӣ қадрдонӣ гардиданд
Дар Донишгоҳи давлатии Бохтар доир ба масъалаҳои таълими забонҳои русӣ ва англисӣ конференсия баргузор гардид
35-СОЛАГИИ ИСТИҚЛОЛИ ДАВЛАТӢ. Дар деҳаҳои Обигарм, Себистон ва Лолагии шаҳри Ҳисор кӯдакистону муассисаҳои таълимӣ бунёд мегарданд
Дар мавзуи «Рушди илми тоҷик дар шароити муосир: инноватсия ва рақамикунонӣ» конференсияи илмӣ доир шуд
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
Маркази «Ганҷинаи ҳунаристони маърифат ва фарҳанги миллӣ» ба фаъолият оғоз намуд
