Дар Коллеҷи техникию омӯзгории ноҳияи Рӯдакӣ озмоишгоҳи физика ба истифода дода шуд
ДУШАНБЕ, 04.04.2026 /АМИТ «Ховар»/. Бахшида ба Ҷашни байналмилалии Наврӯз дар Коллеҷи техникию омӯзгории ноҳияи Рӯдакӣ озмоишгоҳи муосири физика ба истифода дода шуд. Дар ин хусус ба АМИТ «Ховар» аз Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар доданд.
Зимни ифтитоҳи озмоишгоҳ Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ аҳамияти таъсиси чунин озмоишгоҳҳоро дар шароити муосир хеле муҳим арзёбӣ намуд. Иброз гардид, ки рушди фанҳои дақиқ, аз ҷумла физика дар ташаккули ҷаҳонбинии илмии ҷавонон ва омода намудани мутахассисони баландихтисос нақши калидӣ мебозад. Дар замони рушди босуръати технология ва навовариҳо талабот ба донишу малакаҳои амалӣ рӯз аз рӯз меафзояд ва маҳз чунин озмоишгоҳҳо метавонанд ин талаботро қонеъ гардонанд.
Озмоишгоҳи нав бо таҷҳизоти муосири таълимӣ таъмин буда, барои гузаронидани машғулияти амалӣ, корҳои лабораторӣ ва таҳқиқоти илмии донишҷӯён имконияти васеъ фароҳам меорад. Инчунин он ба омӯзгорон имкон медиҳад, ки дар раванди таълим аз усулҳои инноватсионӣ истифода бурда, сатҳи фаҳмиши мавзуъҳоро дар байни донишҷӯён баланд бардоранд.
Таъсиси чунин пойгоҳи моддию техникӣ ба беҳтар гардидани сифати таълим мусоидат мекунад. Он шавқи донишҷӯёнро ба омӯзиши фанҳои дақиқ бештар намуда, онҳоро ба корҳои таҳқиқотӣ ҷалб месозад. Ин раванд ба омода намудани мутахассисони рақобатпазир ва ҷавобгӯ ба талаботи бозори меҳнат мусоидат хоҳад кард.
Ин иқдоми созанда дар доираи тадбирҳои ободониву созандагӣ ва баланд бардоштани сифати таълим дар муассисаҳои таҳсилоти миёнаи касбӣ амалӣ гардида, барои рушди илму маориф заминаи мусоид фароҳам меорад.
Меҳмонон бо шароити озмоишгоҳ шинос шуда, ба имконияти он баҳои баланд доданд. Ҳамзамон донишҷӯён якчанд таҷрибаи намоиширо пешкаши ҳозирин намуданд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
Имрӯз бахшида ба Рӯзи омӯзгорон ҳамоиши тантанавӣ баргузор гардид
Эмомалӣ Раҳмон: «Мо ба неруи созандаи аҳли маориф, таҷрибаи устодони рӯзгордида ва талошҳои омӯзгорони ҷавон эътимоди қавӣ дорем»
Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric World University Rankings 2026 ба натиҷаи бесобиқа ноил гардид
Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
