Дар ноҳияи Рӯшон кишти баҳорӣ оғоз гардид
ДУШАНБЕ, 16.04.2026. /АМИТ «Ховар»/. Дар ноҳияи Рӯшони Вилояти Мухтори Кӯҳистони Бадахшон кишти баҳорӣ оғоз шуд. Барои сари вақт ва дар муҳлати муайян кишт намудани зироат аз ҷониби Вазорати кишоварзии Тоҷикистон 7 трактори хурд ба кишоварзони ноҳия тақдим гардид.
Тавре аз Мақомоти иҷроияи ҳокимияти давлатии ноҳияи Рӯшон ба АМИТ «Ховар» иттилоъ доданд, ноҳия нисбат ба дигар ноҳияҳои вилоят аз ҷиҳати иқлим ва замини ҳамвору ҳосилхез бартарӣ дорад.
Сармутахассиси бахши кишоварзии ноҳияи Рӯшон Ибодат Бозидова иброз намуд, ки маҳз ҳамин омилҳоро ба назар гирифта, мақомоти иҷроияи ҳокимияти давлатии ноҳия ба соҳаи кишоварзӣ аҳамияти хос медиҳад. Ҳамчунин ба таъмини хоҷагиҳои деҳқонӣ бо техникаю механизмҳои кишоварзӣ, нуриҳои органикию минералӣ пайваста диққ мешавад.
Соли 2026 бо истифода аз шароити мусоиди обу ҳаво корҳои саҳроии баҳорӣ барвақттар оғоз гардиданд. Тамоми техникаю механизмҳои кишоварзӣ ба кишту кори баҳорӣ як моҳ пеш омода гардиданд. Дар ихтиёри хоҷагиҳои деҳқонӣ 50 трактори гуногунтамға, 9 култиватор, 35 испори оҳанӣ ва дигар механизми кишоварзӣ мавҷуд аст.
Раванди корҳои саҳроӣ дар ноҳия бо истифода аз усулҳои муосири агротехникӣ нишон медиҳад, ки заҳматҳои кишоварзон барабас нарафта, на танҳо бозорҳои маҳаллӣ бо маҳсулоти кишоварзию сабзавоти полезӣ таъмин мегарданд, балки миқдори муайяни он ба минтақаҳои дигари мамлакат низ бароварда мешавад.
АКС: Мақомоти иҷроияи ҳокимияти давлатии ноҳияи Рӯшон
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
