Дар ноҳияи Ёвон бинои нави Суди ноҳия ба истифода дода шуд
ДУШАНБЕ, 04.04.2026 /АМИТ «Ховар»/. Дар доираи тадбирҳои ободониву созандагӣ ба истиқболи ҷашни 35-солагии Истиқлоли давлатии Ҷумҳурии Тоҷикистон дар ноҳияи Ёвон бинои нави Суди ноҳия мавриди истифода қарор дода шуд.
Дар маросими ифтитоҳи иншоот Раиси ноҳияи Ёвон Икромиддин Вализода, Раиси Суди Олии Ҷумҳурии Тоҷикистон Рустам Мирзозода, кормандони мақомоти судии вилоят ва ноҳия иштирок намуданд.
Зимни ифтитоҳи бино таъкид гардид, ки бунёди чунин иншооти муосир нишонаи таваҷҷуҳи пайвастаи роҳбарияти олии кишвар ба таҳкими ҳокимияти судӣ, фароҳам овардани шароити мусоиди корӣ барои кормандон ва беҳтар намудани сатҳи хизматрасонии ҳуқуқӣ ба шаҳрвандон мебошад.
Бинои нав бо тамоми шароити зарурӣ барои баргузории ҷаласаҳо ва чорабиниҳои расмӣ сохта шудааст.
Раиси Суди Олии Ҷумҳурии Тоҷикистон Ркстам Мирзозода Рустам аз дастгириҳои пайвастаи Пешвои миллат муҳтарам Эмомалӣ Раҳмон нисбат ба рушди низоми судӣ ёдовар шуда, таъкид намуд, ки фароҳам гардидани чунин шароити мусоид ба баланд бардоштани сатҳи касбият, масъулиятшиносӣ ва таъмини адолати судӣ мусоидат менамояд.
Раиси ноҳияи Ёвон Икромиддин Вализода низ иброз дошт, ки мақомоти иҷроияи ҳокимияти давлатии ноҳия ҷиҳати татбиқи сиёсати созандаву бунёдкоронаи давлату Ҳукумат, бахусус дар самти таҳкими инфрасохтори иҷтимоӣ ва фаъолияти мақомоти ҳифзи ҳуқуқ, тадбирҳои мушаххас меандешанд.
Дар фарҷоми чорабинӣ меҳмонон аз шароити муҳайёгардида шинос шуда, ба сифати корҳои сохтмонӣ ва таҷҳизонидани бино баҳои баланд доданд.
Ифтитоҳи чунин иншооти муҳим қадами навбатӣ дар роҳи таҳкими низоми судӣ ва беҳтар намудани сатҳи хизматрасонии ҳуқуқӣ ба аҳолӣ арзёбӣ гардид.
Дар Муъминобод бахшида ба ҷашни 35-солагии Истиқлоли давлатӣ ҳамоиш доир шуд
Бахшида ба ҷашни Истиқлолияти давлатӣ дар ноҳияи Ёвон ҳамоиши бошукуҳи адабӣ-фарҳангӣ доир гардид
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Имрӯз дар боғҳои пойтахт рӯзҳои фарҳанги вилояти Суғд ва ноҳияҳои Ванҷу Шуғнон баргузор мегарданд
Дар ноҳияи Ашт неругоҳи офтобӣ ба истифода дода мешавад
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
ОМОРИ МУОСИР ВА ЗАРУРАТИ ТАРБИЯИ КАДРҲОИ РАҚОБАТПАЗИР. Андешаҳо дар ин маврид
