Дар ноҳияи Зафаробод 12 пойгоҳи обкашӣ фаъолият дорад
ДУШАНБЕ, 10.04.2026. /АМИТ «Ховар»/. Дар ноҳияи Зафаробод 12 пойгоҳи обкашӣ фаъолият доранд, ки аз 19 агрегати пуриқтидор ва 10 агрегати иқтидорашон хурд иборатанд. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
Соли 2026 мутахассисони Идораи давлатии беҳдошти замин ва обёрии ноҳия бо анҷоми корҳои таъмиру омодасозии агрегатҳо барои боз ҳам беҳтар намудани таъминоти об ба заминҳои кишоварзӣ тадбирҳои зарурӣ меандешанд.
Иттилоъ дода шуд, ки соли 2025 Идораи давлатии беҳдошти замин ва обёрии ноҳия бо 17 ассотсиатсияи истифодабарандагони об шартнома баста, ба онҳо 246 миллион метри мукааб об дастрас намуд.
Бояд гуфт, ки ноҳияи Зафаробод аз минтақаҳои муҳими кишоварзии вилояти Суғд маҳсуб шуда, кишти зироат, аз ҷумла пахта ва гирифтани ҳосили фаровон дар рушди иҷтимоию иқтисодии ноҳия нақши муҳим дорад. Дар айни замон тавассути пойгоҳҳои обкашӣ беш аз 32 ҳазору 100 гектар заминҳои кишоварзии ноҳияи Зафаробод бо об таъмин карда мешаванд.
Соли 2026 бо дастгирии Президенти Ҷумҳурии Тоҷикистон муҳтарам Эмомалӣ Раҳмон, Ҳукумати мамлакат ва Мақомоти иҷроияи ҳокимияти давлатии вилояти Суғд аз Ҷумҳурии Мардумии Чин як агрегати нави обкашӣ ворид гардида, дар пойгоҳи обкашии «Мирзочӯл-1» васлу насб карда шуд. Иқтидори агрегати нав 7 ҳазор киловатт-соат буда, метавонад дар як сония то 6 метри мукааб об кашад.
АКС: Хадамоти матбуоти Раиси вилояти Суғд
Густариши ҳамкории иқтисодию тиҷоратии Тоҷикистону Олмон баррасӣ гардид
Дар Тоҷикистон ҳамоиши картошкапарварон баргузор мешавад
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
