Дар шаҳри Душанбе дарси маҳорати байналмилалӣ оғоз гардид
ДУШАНБЕ, 16.04.2026. /АМИТ «Ховар»/. Имрӯз дар шаҳри Душанбе дар доираи Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд» дарси маҳорати байналмилалии «Равандҳои муосири рӯзноманигории сайёҳӣ» оғоз шуд, ки то 17 апрел идома меёбад. Дар ин хусус ба АМИТ «Ховар» аз Донишгоҳи байналмилалии сайёҳӣ ва соҳибкории Тоҷикистон иттилоъ доданд.
Ҳадафи баргузории дарси маҳорати байналмилалӣ истифодаи технологияҳои муосир ва тақвияти нақши расонаҳо дар рушди соҳаи сайёҳӣ мебошад. Дар он коршиносон, мутахассисон ва рӯзноманигорони варзида масъалаҳои марбут ба таҳияи муҳтавои рақамӣ, истифодаи усулҳои муосири қиссапардозӣ (storytelling) ва рушди муҳтавои чандрасонаиро мавриди барррасӣ қарор медиҳанд.
Дар шароити ҷаҳони муосир, ки технологияҳои рақамӣ бо суръати баланд рушд мекунанд, рӯзноманигории сайёҳӣ бояд ба талаботи нав мутобиқ гардида, бо истифода аз усулҳои ҷолибу таъсирбахш имконоти сайёҳии Тоҷикистонро ба ҷомеаи ҷаҳонӣ муаррифӣ намояд.
Дар назар аст, ки дар доираи дарси маҳорати байналмилалӣ масъалаҳои истифодаи самараноки шабакаҳои иҷтимоӣ, роҳбурдҳои бозорёбии иттилоотӣ ва ҷалби аудитория баррасӣ гардида, барои баланд бардоштани сатҳи касбият ва рақобатпазирии рӯзноманигорон заминаи мусоид фароҳам меоранд.
Ёдовар мешавем, ки аз 14 то 18 апрел дар шаҳри Душанбе Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд» баргузор мегардад. Дар доираи форум саммити ректорон, конфронсҳои байналмилалии илмию амалӣ дар самтҳои гуногун, форуми экологии ҷавонон, форуми соҳибкорӣ, намоишгоҳҳои лоиҳаҳои илмӣ ва инноватсионӣ, ташаббусҳои стартапӣ, олимпиадаю озмунҳо, чорабиниҳои фарҳангӣ-экологӣ, инчунин чорабиниҳои дигари канорӣ гузаронида мешаванд.
АКС: Донишгоҳи байналмилалии сайёҳӣ ва соҳибкории Тоҷикистон
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
Дар Душанбе намоиши маҳсулоти корхонаҳои истеҳсолии муассисаҳои ислоҳӣ доир гардид
Имрӯз дар Тоҷикистон ҳавои камабри бебориш пешгӯӣ мешавад
