Дар Шаҳринав даври ноҳиявии озмуни «Кадбонуи беҳтарин» доир гардид
ШАҲРИНАВ, 20.04.2026. /АМИТ «Ховар»/. Дар ноҳияи Шаҳринав бо иштироки кадбонуҳо ва фаъолзанони ноҳия даври ноҳиявии озмуни «Кадбонуи беҳтарин» баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Шаҳринав иттилоъ доданд.
Озмун бо мақсади ҷалби занону духтарони ҳунарманд, кадбонуҳои соҳибзавқ ба эҳё ва рушди анъанаҳои миллӣ, баланд бардоштани маърифати хонадорӣ, омода намудани духтарон ба ҳаёти мустақилона, эҳё ва ҳифзу нигоҳдошти беҳтарин суннатҳои миллии ниёгонамон дар самти омода намудани хӯрокҳои миллӣ, хӯришҳои болаззат, таомҳои маҳаллӣ, баланд бардоштани завқи кадбонуӣ ва ҳунари дастархонороӣ гузаронида мешавад.
Озмуни «Кадбонуи беҳтарин» дар байни ҷавондухтарони ҷамоатҳои шаҳраку деҳоти ноҳия бо тайёрии хуби иштирокдорон гузаронида шуд. Дар он кадбонуҳо, занони соҳибзавқ ва ҳунармандони моҳир аз рӯи талаботи низомномаи озмун намудҳои гуногуни таомҳои миллию маҳаллӣ, нонҳои гуногун ва хӯришу шириниҳои миллиро пешкаши ҳакамон намуданд.
Ғолибони озмун бо Диплом, Сипоснома ва туҳфаҳои хотиравии Кумитаи кор бо занон ва оилаи назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии ноҳияи Шаҳринав сарфароз гардонида шуданд.
АКС: Мақомоти иҷроияи ҳокимияти давлатии ноҳияи Шаҳринав
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 37 дараҷа гарм мешавад
