Филми мустанади «Шоҳи қуллаҳо» ҷоизаи байналмилалӣ гирифт
ДУШАНБЕ, 24.04.2026. /АМИТ «Ховар»/. Филми мустанади «Шоҳи қуллаҳо», ки аз ҷониби Кумитаи телевизион ва радиои назди Ҳукумати Ҷумҳурии Тоҷикистон таҳия шудааст, дар Фестивали байналмилалии синамои экологии «Astana Eco Film Festival 2026» сазовори ҷоизаи бонуфузи «Best Impact Storytelling Award» (Беҳтарин филми таъсирбахш) гардид. Дар ин хусус ба АМИТ «Ховар» аз Кумитаи телевизион ва радио хабар доданд.
Ин ҷашнвора дар ҳошияи Саммити минтақавии экологии «Диди муштарак барои ояндаи устувор» баргузор шуда, дар он даҳҳо филм аз кишварҳои мухталифи ҷаҳон ба намоиш гузошта шуданд.
Филми «Шоҳи қуллаҳо», ки коргардони он Усмон Юсуфов мебошад, дар бораи зебоиҳои нотакрори табиати Тоҷикистон ва ҳифзи бабри барфӣ нақл мекунад. Ҳайати ҳакамон ва бинандагони байналмилалӣ ба мазмуни амиқи экологӣ, сифати баланди наворбардорӣ ва паёми муҳими филм дар роҳи ҳифзи муҳити зист баҳои баланд доданд.
Бояд ёдовар шуд, ки Фестивали байналмилалии синамои экологии «Astana Eco Film Festival» чорабинии байналмилалии синамоӣ буда, 22-23 апрели соли 2026 дар доираи Саммити минтақавии экологӣ дар кинотеатри «Chaplin Mega Silk Way»-и шаҳри Остонаи Қазоқистон баргузор гардид. Ҳадафи фестивал тавассути санъати синамо ҷалб намудани таваҷҷуҳи ҷомеа ба мушкилоти глобалии экологӣ, ҳифзи табиат ва гуногунии биологӣ мебошад.
Ин фестивал майдоне аст, ки дар он филмсозон, экологҳо ва коршиносон аз саросари ҷаҳон ҷамъ омада, роҳҳои ҳалли мушкилоти иқлимро тавассути ҳикояҳои таъсирбахш (storytelling) баррасӣ менамоянд.
АКС: Кумитаи телевизион ва радиои назди Ҳукумати Ҷумҳурии Тоҷикистон
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
