Хонандаи Гимназияи хусусии «Кафолат» дар Олимпиадаи байналмилалаии JEO, SEO – 2026 сазовори медали тилло гардид
ДУШАНБЕ, 15.04.2026. /АМИТ «Ховар»/. Хонандаи Муассисаи таълимии Гимназияи хусусии «Кафолат» Каримзода Фотима Манучеҳр дар Олимпиадаи байналмилалаии JEO, SEO – 2026, ки дар шаҳри Сиднейи Австралия доир шуд, сазовори медали тилло гардид. Дар ин хусус ба АМИТ «Ховар» аз ин муассиса хабар доданд.
Олимпиадаи байналмилалаии JEO, SEO – 2026 12 апрел дар шаҳри Сиднейи Австралия шуруъ гардида, то 16 апрел идома меёбад. Дар он ҳамчунин хонандаи ноҳияи Бобоҷон Ғафурови вилояти Суғд Зафарҷон Раупов (тариқи маҷозӣ) сазовори медали тилло гардид.
Бо дастгирии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ва ибтикороти Вазорати маориф ва илми Ҷумҳурии Тоҷикистон 44 нафар хонандагони болаёқати пойтахт аз 6 муассисаи таълимӣ дар ду даста баъди гузаштан аз даври интихобии олимпиадаи байналмилалии JEO, SEO — 2026 барои иштирок дар даври ниҳоӣ (ҷаҳонӣ) ба шаҳри Сиднейи Австралия сафар намуданд.
Дар ин олимпиада аз фанни англисӣ хонандагон аз 16 давлати дунё сабқати зеҳнӣ намуданд.
20 нафар хонандагони муассисаҳои таълимии пойтахт аз гурӯҳи якум сазовори 2 медали тилло, 3 нуқра ва 16 биринҷӣ гардиданд.
Аз 44 хонандае, ки аз муассисаҳои таълимии пойтахт дар ин олимпиада иштирок карданд, дар даври ҷаҳонии олимпиадаи JEO, SEO -2026 танҳо хонандаи Муассисаи таълимии Гимназияи хусусии «Кафолат» Каримзода Фотима Манучеҳр соҳиби медали тилло гардид.
Дастоварди навбатии хонандагони пойтахт далели он аст, ки Мақомоти иҷроияи ҳокимияти давлатии шаҳри Душанбе таҳти роҳбарии Раиси шаҳри Душанбе муҳтарам Рустами Эмомалӣ барои хонандагони муассисаҳои таълимии пойтахт беҳтарин шароити таълиму тадрисро фароҳам овардааст. Натиҷаи ин иқдом ноил гардидан ба дараҷаи баланди сатҳи дониши хонандагон на танҳо дар сатҳи ҷумҳурӣ, балки дар арсаи байналмилалӣ мебошад.
АКС: Муассисаи таълимии Гимназияи хусусии «Кафолат»
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
