Иди Наврӯзро дар Коллеҷи политехникии ноҳияи Данғара пуршукуҳ ҷашн гирифтанд
ДУШАНБЕ, 04.04.2026 /АМИТ «Ховар»/. Дар Коллеҷи политехникии ноҳияи Данғара бахшида ба Ҷашни байналмилалии Наврӯз чорабинии бошукуҳ баргузор гардид, хабар медиҳад АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон.
Меҳмонон бо дастархони идона ва дастовардҳои муассиса шинос шуда, ба заҳмати омӯзгорону донишҷӯён баҳои баланд доданд.
Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ гуфт, ки Наврӯз ҷашни миллию мардумӣ ва таърихии мост, ки онро бо номи шоҳи Пешдодӣ Ҷамшед тавъам медонанд ва дар рӯзгори шоҳаншаҳии ӯ оғоз гардидааст. Эҳёи ҷашни Наврӯз дар қарни бистуяк ва ҷаҳонӣ шудани он ҳамчун ҷашни Наврӯзи байналмилалӣ бо ном ва кору пайкори Президенти Тоҷикистон муҳтарам Эмомалӣ Раҳмон тавъам аст ва миллати мо меросбари ҳақиқии ин ҷашн ва дар асл миллати Наврӯз аст. Бинобар ин, Пешвои миллати моро метавон Пешвои миллати Наврӯз ном бурд.
Фарҳод Раҳимӣ доир ба аҳамияти таърихию фарҳангии ҷашни Наврӯз, нақши он дар таҳкими ваҳдати миллӣ, эҳёи суннатҳои миллӣ ва тарбияи насли ҷавон дар руҳияи худшиносӣ ибрози андеша намуд.
Таъкид шуд, ки Наврӯз ҳамчун рамзи сулҳу созандагӣ ва эҳёи табиат имрӯз низ аҳамияти бузурги худро нигоҳ дошта, ҷомеаро ба сӯи пешрафту ободӣ раҳнамоӣ мекунад.
Барномаи ҷолиби театрикунонида аз ҷониби донишҷӯён бо мазмуну муҳтавои ғанӣ, суруду рақсҳои дилнишин ва иҷрои ҳунармандона пешниҳоди ҳозирин гардонида шуда, ба чорабинӣ ҳусни тоза ва ҷаззобияти хосса бахшид.
Дар фарҷом ғолибони озмунҳои наврӯзӣ бо Ифтихорнома ва ҷоизаҳо сарфароз гардонида шуданд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
