«ИЛМ — АСОСИ РУШДИ ИННОВАТСИЯ». Дар Донишгоҳи техникии Тоҷикистон конференсияи XI байналмилалии илмӣ доир шуд
ДУШАНБЕ, 17.04.2026. /АМИТ «Ховар»/. 16 апрел дар Донишгоҳи техникии Тоҷикистон ба номи академик Муҳаммад Осимӣ бахшида ба 35-солагии Истиқлоли давлатии Ҷумҳурии Тоҷикистон дар доираи «Ҳафтаи илм» таҳти унвони «Илм–асоси рушди инноватсионӣ» конференсияи XI байналмилалии илмӣ-амалӣ баргузор гардид. Дар ин хусус ба АМИТ «Ховар» аз ин донишгоҳ хабар доданд.
Конференсия муҳити мусоиди илмӣ фароҳам оварда, ба минбари муҳим барои мубодилаи афкор, муаррифии дастовардҳои нав ва баррасии масъалаҳои мубрами рушди илму технология табдил ёфт. Мавзуъҳои матраҳшуда доираи васеи самтҳои муҳимро дар бар гирифта, ба масъалаҳои рушди инноватсия, истифодаи технологияҳои муосир ва таҳкими робитаи илм бо истеҳсолот равона гардиданд.
Соли равон дар конференсия беш аз 100 мақолаи илмӣ барои нашр дар маҷмуаи махсус пешниҳод гардид. Дар таҳияи ин мақолаҳо на танҳо ҳайати устодону профессорон, балки докторантони PhD, унвонҷӯён, магистрантон ва донишҷӯён саҳми фаъол гузоштанд. Ҳамзамон олимону муҳаққиқони дигар муассисаҳои таҳсилоти олии дохилию хориҷӣ ва марказҳои илмӣ-таҳқиқотӣ низ бо кори илмияшон иштирок намуданд.
Маводи пешниҳодшуда ба шаш бахши асосӣ тақсим гардида, самтҳои калидӣ, аз ҷумла энергетика ва иқтисод, технологияҳои кимиё ва металлургия, мошинсозӣ ва маводшиносӣ, сохтмон ва меъморӣ, технологияҳои иттилоотӣ ва илмҳои бунёдӣ, нақлиёт ва инфрасохтори он, инчунин фанҳои иҷтимоӣ-гуманитарӣ, экология ва идоракунии сифати таҳсилоти муҳандисиро фаро гирифтанд.
Ёдовар мешавем, ки конференсия аз соли 2015 инҷониб ҳамасола дар доираи «Ҳафтаи илм» баргузор мегардад. Он дар таҳкими фазои илмӣ, рушди тафаккури таҳқиқотӣ ва густариши ҳамкории байналмилалӣ нақши муҳим дорад.
АКС: Донишгоҳи техникии Тоҷикистон ба номи академик Муҳаммад Осимӣ
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
««ШОҲНОМА»-И АБУЛҚОСИМ ФИРДАВСӢ ВА ТАҲКИМИ ҲУВИЯТИ МИЛЛӢ». Дар Донишгоҳи давлатии Кӯлоб ҳамоиш доир шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба муаммоҳои глобалии экологӣ ҳамоиш доир шуд
