Имконоти зеҳни сунъӣ ва гидроэнергияи «сабз»-и Тоҷикистон ба «Goldman Sachs» муаррифӣ карда шуд
ДУШАНБЕ, 17.04.2026. /АМИТ «Ховар»/. Зимни мулоқоти Вазири саноат ва технологияҳои нави Тоҷикистон Шералӣ Кабир бо президент оид ба масъалаҳои глобалии Бонки байналмилалии сармоягузории «Goldman Sachs» Ҷаред Коэн Экосистемаи мустақили зеҳни сунъӣ ва гидроэнергетикаи «сабз»-и Тоҷикистон ҳамчун асоси ҷойгиркунии инфрасохтори ҷаҳонии зеҳни сунъӣ муаррифӣ гардид. Дар ин хусус АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад.
Дар мулоқот оид ба лоиҳаи минтақаи махсуси зеҳни сунъӣ: «Area AI»- аввалин минтақаи озоди махсус дар ҷаҳон барои ширкатҳои зеҳни сунъӣ маълумот пешниҳод карда шуд. Консорсиуми зеҳни сунъии минтақаи «Area AI» чунин ширкатҳои пешбари ҷаҳонии зеҳни сунъиро, аз қабили Perplexity AI, Cerebras Systems, Supermicro, Yotta ва якчанд шарикони дигари байналмилалии технологӣ дар бар мегирад.
Дар мулоқот инчунин ба имконоти Тоҷикистон ҳамчун маркази ҳисоббарории «сабз» ишора карда шуд. Вазир ҳамзамон лоиҳаи AI-GOV – низоми зеҳни сунъиро барои идоракунии давлатӣ, ки дар доираи он Perplexity Comet аллакай дар Вазорати саноат ва тиҷорат ҷойгир кунонида шудааст, муаррифӣ намуд. Платформаи AI-GOV инчунин барои автоматикунонии иҷозатномадиҳии тиҷорати хурд ва миёна истифода мешавад.
Дар анҷом ҷонибҳо ба мувофиқа расиданд, ки барои татбиқи лоиҳаҳои стратегии зеҳни сунъӣ дар ҷумҳурӣ ҳамкорӣ намоянд.
АКС: Вазорати саноат ва технологияҳои нави Ҷумҳурии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
