Имрӯз дар шаҳри Душанбе ҳаво то 28 дараҷа гарм мешавад

ДУШАНБЕ, 25.04.2026. /АМИТ «Ховар»/. Имрӯз дар Тоҷикистон ҳавои  тағйирёбанда пешгӯӣ шуда, дар шаҳри Душанбе то 28 дараҷа гарм мешавад. Дар ин хусус АМИТ «Ховар» бо истинод ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон хабар медиҳад.

Дар Вилояти Мухтори Кӯҳистони Бадахшон ҳавои тағйирёбанда пешгӯӣ шуда, дар ғарб ва ҳам шарқи вилоят  бориши борон дар назар аст. Шамол аз самти шарқ бо суръати 5-10 метр дар як сония мевазад. Ҳаво дар ғарби вилоят шабона 7+12 дараҷа гарм,  рӯзона 15+20 дараҷа гарм, дар шарқи вилоят шабона -3+2 дараҷа, рӯзона 6+11 дараҷа гарм  мешавад.

Дар вилояти Суғд ҳавои тағйирёбанда, асосан бебориш  пешгӯӣ мешавад. Шамол аз самти шарқ  бо суръати 4-9 метр дар як сония, дар ноҳияҳои алоҳида бо шиддатнокии то 10-15 метр дар як сония мевазад. Ҳаво дар водиҳо шабона 11+16 дарҷа гарм, рӯзона 23+28 дараҷа гарм, дар ноҳияҳои кӯҳӣ шабона 2+7 дараҷа гарм, рӯзона 13+18 дараҷа гарм мешавад.

Дар вилояти Хатлон ҳавои тағйирёбанда пешгӯӣ  мешавад. Шабона дар баъзе ноҳияҳои вилоят  борони кӯтоҳмуддат борида,   рӯзона ҳавои бебориш дар назар аст. Эҳтимолан раъду барқ ба амал ояд. Шамол аз самти шарқ бо суръати 5-10 метр дар як сония мевазад. Ҳаво дар водиҳо шабона 14+19 дараҷа гарм, рӯзона 27+32 дараҷа гарм, дар доманакӯҳҳо шабона 8+13 дараҷа гарм, рӯзона 20+25 дараҷа гарм мешавад.

Дар ноҳияҳои тобеи ҷумҳурӣ ҳавои тағйирёбанда пешгӯӣ шуда, шабона дар баъзе ноҳияҳо борони кӯтоҳмуддат меборад. Рӯзона ҳавои асосан бебориш дар назар буда, эҳтимолан раъду барқ ба амал ояд. Шамол аз самти шарқ бо суръати 5-10 метр дар як сония мевазад. Ҳаво дар водиҳо шабона 11+16 дараҷа гарм, рӯзона 23+28 дараҷа гарм, дар ноҳияҳои кӯҳӣ шабона 6+11 дараҷа гарм, рӯзона 20+25 дараҷа гарм мешавад.

Дар шаҳри Душанбе ҳавои тағйирёбандаи бебориш  пешгӯӣ мешавад. Шамол аз самти шарқ бо суръати 5-10 метр як сония мевазад. Ҳаво шабона 14+16 дараҷа гарм, рӯзона 26+28 дараҷа гарм мешавад.