Имрӯз Фестивали байналмилалии «Рақс моро муттаҳид менамояд» ифтитоҳ ёфт
ДУШАНБЕ, 30.04.2026 /АМИТ «Ховар»/. Имрӯз дар Театри давлатии академии опера ва балети ба номи Садриддин Айнӣ Фестивали байналмилалии «Рақс моро муттаҳид менамояд» ифтитоҳ ёфт. Дар ин хусус ба АМИТ «Ховар» аз маркази матбуоти Вазорати фарҳанги Ҷумҳурии Тоҷикистон хабар доданд.
Ин чорабинии бошукӯҳ ба ифтихори 35-солагии Истиқлоли давлатии Ҷумҳурии Тоҷикистон доир шуда, дар он ҳайатҳои ҳунарӣ аз Тоҷикистон, Арманистон, Қазоқистон, Озарбойҷон, Қирғизистон, Русия ва Узбекистон,иштирок доранд.
Муовини Вазири фарҳанги Ҷумҳурии Тоҷикистон Фаридун Бобозода зимни маросими ифтитоҳ иброз дошт, ки фестивал бо мақсади ҳифз ва рушди анъанаҳои қадимии санъати рақс, мустаҳкам намудани риштаҳои дӯстӣ ва бародарӣ байни халқҳо тавассути санъати рақс, минбаъд васеъ намудани доираи ҳамкории эҷодӣ ва робитаҳои фарҳангӣ дар сатҳи байналмилалӣ доир мешавад.
Фестивал бо мақсади таҳкиму густариши робитаҳои судманди фарҳангӣ бо кишварҳои хориҷӣ, табодули таҷриба ва дар ин замина муаррифии ҳарчи бештари санъату ҳунари миллӣ доир мегардад.
Дар замони соҳибистиқлолӣ Ҳукумати Ҷумҳурии Тоҷикистон ба соҳаи фарҳанг таваҷҷуҳи махсус зоҳир намуда, пайваста барои рушди ин навъи ҳунари асил тамоми кӯшишро ба харҷ медиҳад. Имрӯз санъати рақси тоҷик бо тамоми унсурҳои миллӣ ба дили бинандагони дохилу хориҷи мамлакат роҳ ёфтаву маҳбуб гаштааст.
Санъати рақс дар таърихи тамаддуни ҳар халқу давлат мақоми арзанда дорад. Маҳз тавассути рақс, новобаста аз тафовути забонӣ ва фарҳангӣ инсонҳо дар ҳама давру замон орзуву омол ва розу ниёзҳои худро ба забон меоранд. Бешубҳа, дар масири таърих рақс чун қувваи муттаҳидкунандаи воқеии халқу миллатҳои сайёра боқӣ мондаву шинохта шудааст.
Дар ҳошияи ин фестивал баргузории дарсҳои маҳорат дар муассисаҳои таълимии соҳаи фарҳанг ва санъат, инчунин Конфронси илмӣ назар дошта шудааст.
Ёдовар мешавем, ки Фестивали байналмилалии «Рақс моро муттаҳид менамояд» то 2 майи соли 2026 дар шаҳри Душанбе идома меёбад.
Зарангези ЛАТИФ,
Тоҳири САИД (акс),
АМИТ «Ховар»
Моҳи октябр дар Душанбе сеюмин Синамоҷашнвораи миллии «Тоҷи Сомон» баргузор мешавад
Дар ёдгории таърихии замони Кушониён- Сайёд корҳои таҳқиқотӣ-бостоншиносӣ оғоз ёфтанд
Дар Рӯзи фарҳанги шаҳри Истаравшан ганҷинаи нотакрори ҳунар пешниҳоди сокинони пойтахт гардид
Дар Душанбе Рӯзи фарҳанги ноҳияҳои Дӯстӣ ва Носири Хусрав баргузор гардид
«ДУРАХШИ АХТАРОН: ҶОМӢ ВА НАВОӢ». Филм дар арафаи ҷашни Истиқлоли давлатии Тоҷикистон намоиш дода мешавад
Таҳти унвони «Аз ёдҳо фарёдҳо» китоби Садриддин Ҳасанзода нашр гардид
Дар Душанбе рӯзҳои фарҳанги шаҳри Истаравшан ва ноҳияҳои Дӯстӣ ва Носири Хусрав баргузор мешаванд
Рӯзи фарҳанги ноҳияи Мастчоҳ шукуҳманд таҷлил карда шуд
Рӯзи фарҳанги ноҳияи Фархор бо шаҳомати хос баргузор гардид
Рӯзи фарҳанги шаҳри Нораку ноҳияи Ёвон бо намоиши молу маҳсулоти саноатӣ ва кишоварзӣ доир шуд
Имрӯз дар Душанбе Рӯзи фарҳанги шаҳри Норак, ноҳияҳои Фархор, Ёвон ва Мастчоҳ доир мегардад
Пагоҳ Рӯзи фарҳанги шаҳри Норак, ноҳияҳои Фархор, Ёвон ва Мастчоҳ доир мегардад
