Муовини Сарвазири Тоҷикистон Дилрабо Мансурӣ бо фаъолони ноҳияҳои минтақаи Рашт ва шаҳри Роғун вохӯрӣ намуд
РАШТ, 18.04.2026 /АМИТ «Ховар»/. 17 апрел дар Қасри фарҳанги ноҳияи Рашт вохӯрии муовини Сарвазири Ҷумҳурии Тоҷикистон Дилрабо Мансурӣ бо фаъолони ноҳияҳои минтақаи Рашт ва шаҳри Роғун доир гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рашт иттилоъ доданд.
Чорабинии мазкур бо мақсади баррасии масъалаҳои муҳими сиёсати давлатӣ ва тақвияти корҳои фаҳмондадиҳӣ доир гардид.
Дар чорабинӣ масъалаҳои татбиқи самараноки Стратегияи муқовимат ба экстремизм ва терроризм, пешгирии ҳамроҳшавии ҷавонон ба гурӯҳҳои ифротӣ, баланд бардоштани сатҳи маърифати сиёсиву ҳуқуқии шаҳрвандон ва тақвияти корҳои тарбиявӣ ва таҳкими ҳамкории сохторҳои давлатӣ бо ҷомеаи шаҳрвандӣ, таҳкими худшиносии миллӣ, эҳтиром ба арзишҳои фарҳангӣ, тарбияи насли ватандӯсту худогоҳ ва баланд бардоштани масъулияти шаҳрвандиро мавриди барасӣ қарор доданд.
Изҳор гардид, ки рушди ҷомеа ва пешрафти давлат аз сатҳи маърифату дониши насли ҷавон вобастагии мустақим дорад. Аз ин рӯ бояд ба соҳибкасб гардидани ҷавонон, бахусус духтарон ба донишкадаю донишгоҳҳо аҳамияти ҷиддӣ дода шавад.
Инчунин дар идомаи вохӯрӣ масъалаҳои марбут ба таҳкими ҳамкории мақомоти давлатӣ бо муассисаҳои таълимӣ ва ҷомеаи шаҳрвандӣ дар самти беҳтар намудани раванди таълиму тарбия ва тарғиби арзишҳои миллӣ ба масъулини шаҳру ноҳияҳо дастуру супоришҳои мушаххас дода шуд.
Дар чорабинӣ ба масъалаи истиқболи ҷашни 35-солагии Истиқлоли давлатии Ҷумҳурии Тоҷикистон таваҷҷуҳи хосса зоҳир гардид. Иброз карда шуд, ки ҳар шаҳрванди кишвар бояд дар ободии Ватан ва деҳаю маҳаллааш саҳми арзанда гузораду барои насли наврас намунаи ибрат бошад.
Дар доираи сафари корӣ муовини Сарвазири Ҷумҳурии Тоҷикистон Дилрабо Мансурӣ бо якчанд муассисаи таълимӣ ва муассисаҳои томактабии ноҳияи Рашт шинос шуд. Зимни боздид ҳолати фаъолияти муассисаҳои мазкур, шароити таълиму тарбия, сатҳи таъминот бо таҷҳизоти зарурӣ ва муҳити фароҳамгардида барои омӯзгорону кӯдакон мавриди омӯзиш ва баррасӣ қарор гирифт. Гуфта шуд, ки беҳтар намудани сифати таълим, фароҳамсозии шароити мусоиди кору таҳсил ва тақвияти заминаҳои моддию техникӣ аз самтҳои муҳими фаъолияти минбаъда ба шумор меравад.
АКС: Мақомоти иҷроияи ҳокимияти давлатии ноҳияи Рашт
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
