Нуктаҳои асосии Паёми Президенти Тоҷикистон дар вохӯрӣ бо фаъолони шаҳри Ҳисор тавзеҳ дода шуданд
ДУШАНБЕ, 21.04.2026. /АМИТ «Ховар»/. Дар шаҳри Ҳисор бо иштироки масъулини мақомоти ҳифзи ҳуқуқи мамлакат ва фаъолони шаҳр вохӯрӣ баргузор гардид, ки дар он масъалаҳои муҳими Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва таъмини иҷрои «Стратегияи пешгирии экстремизм ва терроризм дар Ҷумҳурии Тоҷикистон барои давраи то соли 2040» тавзеҳ дода шуданд.
АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки дар вохӯрӣ кормандони масъули Суди конститутсионии Ҷумҳурии Тоҷикистон ва Прокуратураи генералии Ҷумҳурии Тоҷикистон доир ба татбиқи сиёсати пешгирифтаи Ҳукумати Ҷумҳурии Тоҷикистон дар солҳои соҳибистиқлолӣ, хусусан амалӣ гардонидани чор ҳадафи стратегӣ дар мамлакат, ташаббусҳои Пешвои миллат оид ба масъалаҳои об, иқлим, амният ва ҳамкории минтақавӣ ва ҳамовозӣ пайдо намудани онҳо аз ҷониби созмонҳои бонуфузи байналмилалӣ сухан намуданд. Инчунин рушди бемайлони соҳаҳои иқтисодию иҷтимоии мамлакат давоми 35-соли соҳибистиқлолӣ муфассал таҳлилу баррасӣ карда шуд.
Гуфта шуд, ки дар Паёми Президенти Ҷумҳурии Тоҷикистон ба Маҷлиси Олӣ дигар масъалаҳои муҳим, ки марбут ба татбиқи сиёсати дохилӣ ва хориҷии мамлакат мебошанд, низ дарҷ гардидаанд. Ҳамзамон ба мақомоти салоҳиятдори давлатӣ оид ба фароҳам овардани шароити зиндагии арзанда ба аҳолии мамлакат, таъмини адолати иҷтимоӣ, эътироф, риоя ва ҳифзи ҳуқуқу озодиҳои инсон ва шаҳрванд, таъмини тартиботи ҳуқуқӣ, риояи қонунгузорӣ ва таъмин намудани адолати судӣ дастуру супоришҳои мушаххас дода шуд.
Дар вохӯрӣ масъулини сохторҳои ҳифзи ҳуқуқ оид ба масъалаҳои баҳодиҳӣ ба вазъи қонуният ва мубориза бо ҷинояткорӣ, муқовимат ба экстремизм ва терроризм, пешгирии ҳамроҳшавии шаҳрвандон ба созмону ҳаракатҳои экстремистию террористӣ, инчунин муаррифии мазмуну моҳияти «Стратегияи пешгирии экстремизм ва терроризм дар Ҷумҳурии Тоҷикистон барои давраи то соли 2040» ва амалисозии нақшаи чорабиниҳои он барои солҳои 2026-2030 сухан гуфтанд.
АКС: Мақомоти иҷроияи ҳокимияти давлатии шаҳри Ҳисор
Дар Париж 35-солагии Истиқлоли давлатии Ҷумҳурии Тоҷикистон таҷлил шуд
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Ба муносибати 35-солагии Истиқлоли давлатии Тоҷикистон дар Рашт иншооти таъйиноти гуногун ба истифода дода шуданд
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Тоҷикистон 182 деҳаи нав таъсис дода шуд
Президенти Ҷумҳурии Тоҷикистон Эмомалӣ Раҳмон аз боғи интенсивии Пайванди Рашт дидан намуданд
Сарвари давлат Эмомалӣ Раҳмон корхонаи фаръии истеҳсоли шарбати Саноати хӯроквории минтақаи Раштро мавриди истифода қарор доданд
Пешвои миллат Эмомалӣ Раҳмон 15 иншоотро ба таври фосилавӣ дар ноҳияҳои Рашт, Нуробод, Сангвор, Лахш ва Тоҷикобод ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Рашт Мактаби президентӣ барои хонандагони болаёқатро ба истифода доданд
Дар Осорхонаи мероси Покистон гӯшаи мардумшиносии Тоҷикистон бо ёдгориҳои нави фарҳангӣ ва таърихӣ ғанӣ гардид
Сарвари давлат Эмомалӣ Раҳмон бо сафари корӣ ба ноҳияи Рашт ташриф оварданд
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
