Оид ба инкишофи бартарияти рақобатпазирии иқтисодиёти Тоҷикистон дар шароити муосир конференсияи байналмилалӣ доир шуд
ДУШАНБЕ, 04.04.2026 /АМИТ «Ховар»/. Дар Донишгоҳи давлатии молия ва иқтисоди Тоҷикистон дар мавзуи «Инкишофи бартарияти рақобатпазирии иқтисодиёти Ҷумҳурии Тоҷикистон дар шароити муосир» конференсияи байналмилалии илмӣ-назариявӣ доир гардид, хабар медиҳад АМИТ «Ховар» бо истинод ба донишгоҳ.
Дар кори конференсия олимону муҳаққиқон масъалаҳои мубрами рушди иқтисодиёти ҷумҳурӣ, баланд бардоштани самаранокии истеҳсолот ва татбиқи инноватсияҳоро мавриди баррасӣ қарор доданд.
Иброз гардид, ки чунин ҳамоишҳо барои таҳияи пешниҳодҳои илмӣ-амалӣ ба хотири таъмини рушди устувори иқтисодӣ ва баланд бардоштани мавқеи ҷумҳурӣ дар арсаи байналмилалӣ заминаи мусоид фароҳам меоранд.
Дар мавзуъҳои «Афзалияти асосии рақобатпазирии иқтисоди миллӣ», «Асосҳои консептуалии таъмини рақобатпазирии иқтисоди миллӣ», «Рушди технологияҳои инноватсионии таълимӣ ҳамчун омили баланд бардоштани рақобатпазирии иқтисодиёт: таҳлили муқоисавии моделҳои ҷаҳонии таълим» ва «Дурнамои рушди маблағгузории исломӣ дар низоми хизматрасониҳои молиявӣ» маърузаҳо пешниҳод гардиданд.
Гуфта шуд, ки дар шароити муосир раванди ҳамоҳангсозии сатҳи рушди иқтисодӣ дар ҷаҳон идома дошта, ин раванд барои рушди фаъолияти озоди иқтисодии хориҷӣ ва коҳиши монеаҳо замина мегузорад.
Конференсия дар бахшҳо идома ёфта, ба таҳкими назария ва амалияи рушди иқтисоди миллӣ равона гардид. Дар он масъалаҳои асосӣ, аз қабили инноватсия, рақобатпазирӣ, сармоягузорӣ, маориф ва сиёсати молиявӣ мавриди баррасӣ қарор гирифтанд. Маърузаҳо бештар ба ҳамбастагии илм, амал ва сиёсати давлатӣ дар рушди устувори иқтисоди Тоҷикистон нигаронида шуданд.
АКС: Донишгоҳи давлатии молия ва иқтисоди Тоҷикистон
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
Имрӯз бахшида ба Рӯзи омӯзгорон ҳамоиши тантанавӣ баргузор гардид
Эмомалӣ Раҳмон: «Мо ба неруи созандаи аҳли маориф, таҷрибаи устодони рӯзгордида ва талошҳои омӯзгорони ҷавон эътимоди қавӣ дорем»
Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric World University Rankings 2026 ба натиҷаи бесобиқа ноил гардид
Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
