Оид ба масъалаҳои идоракунии молияи давлатӣ ҷаласа доир гардид
ДУШАНБЕ, 09.04.2026. /АМИТ «Ховар»/. 8 апрел дар Вазорати молияи Ҷумҳурии Тоҷикистон ҷаласаи навбатии Шурои ҳамоҳангсозӣ оид ба масъалаҳои идоракунии молияи давлатӣ баргузор гардид, хабар медиҳад АМИТ «Ховар» бо истинод ба вазорат.
Дар ҷаласа иҷрои «Барномаи миёнамуҳлати амали Стратегияи идоракунии молияи давлатии Ҷумҳурии Тоҷикистон барои давраи то соли 2030» дар солҳои 2024-2026 баррасӣ ва тасдиқ гардид.
Иштирокчиён ҷараёни амалисозии чорабиниҳои пешбинишуда, натиҷаҳои бадастомада ва масъалаҳои мубрами марбут ба идомаи ислоҳоти идоракунии молияи давлатиро мавриди муҳокима қарор доданд. Ҳамзамон аъзои шуро ва иштирокчиёни ҷаласа вобаста ба татбиқи қадамҳои минбаъда пешниҳодҳоро иброз намуданд.
Инчунин нақшаи кори Шурои ҳамоҳангсозӣ барои нимсолаи дуюми соли 2026 ва нимсолаи якуми соли 2027 баррасӣ гардид. Ин масъала ҳамчун яке аз унсурҳои муҳим барои таъмини пайдарпайӣ ва ҳамоҳангии минбаъдаи чорабиниҳо дар самти ислоҳоти молияи давлатӣ арзёбӣ шуд.
Баргузории чунин ҷаласаҳо барои таҳкими ҳамоҳангсозии байниидоравӣ, баррасии мунтазами пешрафти ислоҳот ва муайян намудани самтҳои афзалиятноки фаъолият дар соҳаи идоракунии молияи давлатӣ аҳамияти муҳим дорад.
АКС: Вазорати молияи Ҷумҳурии Тоҷикистон
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
Дурнамои ҳамкорӣ байни Тоҷикистон ва Қатар дар соҳаи саноат баррасӣ гардид
Соли 2027 Тоҷикистон дар Намоишгоҳи байналмилалии боғдории Ҷопон иштирок мекунад
«Барномаи рушди соҳаҳои кирмакпарварӣ ва коркарди пилла барои солҳои 2026–2030» панҷ самтро фаро мегирад
Байни Вазорати молияи Тоҷикистон ва Вазорати иқтисод ва молияи Узбекистон Нақшаи ҳамкорӣ барои солҳои 2026-2027 ба имзо расид
Раиси Бонки миллӣ дар Форуми байналмилалии «Monetary Policy Dialogue – 2026» иштирок намуд
Татбиқи лоиҳаҳои Барномаи рушди СММ ба рушди хизматрасониҳои иҷтимоӣ ва иқтисодӣ мусоидат мекунад
Дар Тоҷикистон беш аз 46 ҳазор гектар ҷуворимакка барои дон кишт карда шудааст
