Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ДУШАНБЕ, 30.04.2026. /АМИТ «Ховар»/. Имрӯз дар Донишкадаи тарбияи ҷисмонии Тоҷикистон ба номи Саймуъмин Раҳимов дар мавзуи «Механизмҳои муосири арзёбии сифати таҳсилот ва татбиқи онҳо дар муассисаҳои таҳсилоти олии соҳавӣ» конференсияи ҷумҳуриявии илмӣ-назариявӣ баргузор гардид. Дар ин хусус ба АМИТ «Ховар» аз ин донишкада хабар доданд.
Ректори Донишкада Амир Иброҳимзода иброз дошт, ки баргузории чунин ҳамоишҳои илмӣ барои баррасии масъалаҳои муҳими рушди низоми маориф, табодули таҷриба ва таҳкими ҳамкории илмӣ аҳаммияти хос дорад.
Изҳор гардид, ки баҳодиҳӣ ба сатҳ ва сифати таълим дар муассисаҳои таҳсилоти олии соҳавӣ нисбат ба дигар муассисаҳои таълимӣ хусусияти фарқкунанда дорад. Аз ҷумла, дар баробари санҷишу имтиҳонҳои назариявӣ ба омодагии ҷисмонӣ, иҷрои амалии машқҳо, малакаву маҳорати эҷодӣ, қобилияти касбӣ ва натиҷаҳои амалии донишҷӯён низ бояд баҳои воқеӣ дода шавад.
Конференсия барои пешниҳоди андешаҳои нав, баррасии мушкилоти мавҷуда, ҷустуҷӯи роҳҳои самараноки такмили низоми таълим ва арзёбии сифати таҳсил заминаи мусоид фароҳам меорад.
Ҳамзамон масъалаҳо оид ба сатҳи донишандӯзии ҷавонон, истифодаи самараноки вақт, ҷалби бештари донишҷӯён ба мутолиаи китоб ва омӯзиши илм мавриди таваҷҷуҳ қарор гирифтанд. Таъкид шуд, ки омӯзгорони имрӯзаро зарур аст аз шаклҳои инноватсионии таълим, методҳои пешқадам ва таҷрибаи муассисаҳои муваффақи дохилию хориҷӣ васеъ истифода намоянд.
АКС: Донишкадаи тарбияи ҷисмонии Тоҷикистон ба номи Саймуъмин Раҳимов
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
