Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
ДУШАНБЕ, 30.04.2026. /АМИТ «Ховар»/. 29 апрел дар шаҳри Бишкек ҳайати Ҷумҳурии Тоҷикистон бо роҳбарии Раиси Кумитаи рушди сайёҳӣ Ҷамшед Ҷумъахонзода дар ҷаласаи роҳбарони мақомоти сайёҳии давлатҳои аъзои Созмони ҳамкории Шанхай иштирок намуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Қирғизистон хабар доданд.
Дар ҷараёни ҷаласа ҷонибҳо масъалаҳои мубрами рушди ҳамкории сайёҳӣ дар доираи Созмони ҳамкории Шанхай, инчунин табодули назар оид ба густариши иқтидори сайёҳии давлатҳои аъзо ва рушди шаклҳои устувори сайёҳиро баррасӣ намуданд.
Роҳбари ҳайати Тоҷикистон иброз дошт, ки рушди ҳамкории сайёҳӣ дар доираи Созмони ҳамкории Шанхай омили муҳими таҳкими эътимоди мутақобил, густариши робитаҳои гуманитарӣ ва рушди устувори ҳамкории иқтисодӣ дар минтақа мебошад. Дар ин замина зарурати гузариш ба шаклҳои амалии ҳамкорӣ махсусан таъкид гардид.
Ҷониби Тоҷикистон инчунин аз тавсеаи минбаъдаи ҳамкории амалӣ ҷонибдорӣ намуда, рушди хатсайрҳои сайёҳии фаромарзӣ, пешбурди фазои ягонаи сайёҳии Созмони ҳамкории Шанхай, густариши ҳамкории бахшҳои давлатӣ ва хусусӣ, инчунин рушди сайёҳии устувор ва кӯҳнавардиро муҳим арзёбӣ кард.
Роҳбари ҳайати Тоҷикистон иштирокчиёнро ба Форуми байналмилалии сайёҳӣ ва намоишгоҳи «Хатлон — сарзамини анъанаҳо ва сайёҳӣ», ки 4–5 июни соли 2026 дар вилояти Хатлони Ҷумҳурии Тоҷикистон баргузор мегардад, инчунин ба Намоишгоҳи байналмилалии сайёҳии Душанбе (DITE), ки ҳар сол моҳи сентябр доир мегардад, даъват намуд.
Дар доираи ҷаласа мулоқот бо ҳайати Ҷумҳурии Узбекистон баргузор гардид. Зимни он ҷонибҳо вазъи кунунӣ ва дурнамои рушди ҳамкории дуҷониба дар соҳаи сайёҳиро баррасӣ намуданд.
Дар натиҷа Протоколи ҷаласаи роҳбарони мақомоти сайёҳии давлатҳои аъзои Созмони ҳамкории Шанхай ба имзо расид.
АКС: Сафорати Ҷумҳурии Тоҷикистон дар Ҷумҳурии Қирғизистон
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Президенти Тоҷикистон таъмини амнияти озуқавориро масъалаи стратегӣ ва ҳаётан муҳим номиданд
Сарвари давлат Эмомалӣ Раҳмон дар маҷлиси Ҳукумат ба масъулон барои коҳиши фоизи қарзҳо ва рушди пардохтҳои ғайринақдӣ дастур доданд
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
Дар Барселона имконоти сармоягузории Тоҷикистон муаррифӣ гардид
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
