РАВАНДИ ОБИ ДУШАНБЕ. Дар Сеул нишасти матбуотӣ оид ба Конфронси чоруми байналмилалии сатҳи баланд доир шуд

ДУШАНБЕ, 16.04.2026. /АМИТ «Ховар»/. 15 апрел дар Сафорати Ҷумҳурии Тоҷикистон дар Ҷумҳурии Корея оид ба омодагӣ ба баргузории Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018-2028», ки  аз 25 то 28 майи 2026 дар шаҳри Душанбе баргузор мегардад, брифинг доир шуд.

Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Корея хабар доданд, дар нишасти матбуотӣ воситаҳои ахбори оммаи кишвари иқомат, инчунин Маркази байналмилалии ЮНЕСКО оид ба амнияти об ва мудирияти устувор иштирок намуданд.

Сафири Фавқулода ва Мухтори Ҷумҳурии Тоҷикистон дар Ҷумҳурии Корея Салоҳиддин Киром вобаста ба «Раванди оби Душанбе» сухан намуда, аҳамияти ин чорабинии муҳимро дар ҷараёни омодагӣ ба Конфронси оби Созмони Милали Муттаҳид дар соли 2026 ва Конфронси оби Созмони Милали Муттаҳид дар соли 2028 таъкид кард.

Аз ҷониби роҳбари намояндагӣ оид ба ба Конфронси чоруми байналмилалии сатҳи баланд дар Душанбе маълумоти муфассал пешниҳод гардид. Ҳамчунин баргузории ҷаласаҳои мавзуӣ, чорабиниҳои канорӣ, форумҳо, намоишгоҳ ва барномаҳои фарҳангӣ  дар доираи ин конфронс таъкид карда шуд.

АКС: Сафорати Ҷумҳурии Тоҷикистон дар Ҷумҳурии Корея