35-СОЛАГИИ ИСТИҚЛОЛИ ДАВЛАТӢ. Дар ноҳияи Темурмалик бунёдкорию созандагӣ вусъати тоза мегирад
ТЕМУРМАЛИК, 17.05.2026 /АМИТ «Ховар»/. Бахшида ба 35- солагии Истиқлоли давлатии Ҷумҳурии Тоҷикистон сокинони ҷамоати деҳоти «Гурдоварон»-и ноҳияи Темурмалик корҳои ободонию бунёдиро вусъат мебахшанд. Дар ин замина иншооти ба нақшагирифта 80 фоиз бунёд гардида, дар иншооти боқимонда корҳо идома доранд.
Дар маркази ҷамоат ва деҳаи Саймуминобод баъди анҷом додани мумфаршкунии беш аз 4 километр роҳ дар паҳлуи он ҷӯйборҳои обрав ва иншооти обпарто сохтаанд. Инчунин барои рафту омади озодонаи хонандагони муассисаҳо ва сокинон роҳи пиёдагард бунёд карда мешавад.
Тавре корманди Ҷамоати деҳоти «Гурдоварон»-и ноҳияи Темурмалик Амонулло Хайриддинзода ба мухбири минтақавӣ иброз намуд, барои иҷрои ин корҳо бо маслиҳати ҳамдигар суратҳисоби махсус кушода, ҷавонону соҳибкорон ва дигар сокинон ба он маблағ мегузаронанд.
Инчунин бо дастгирии Мақомоти иҷроияи ҳокимияти давлатии ноҳияи Темурмалик барои боз ҳам беҳтар намудани инфрасохтори ҷамоат ва сатҳи зиндагии сокинон сохтмони иншооти ҳаётан зарурӣ ба нақша гирифта шудааст.
Дар айни замон дар маркази деҳаи Саймуминобод сохтмони роҳи байни деҳаро бо истифодаи оҳану бетон оғоз намудаанд. Дарозии роҳ 440 метр буда, дар чанд мавзеъ қубурҳои обгузар ва обпартоҳо сохта мешаванд. Ба сохтмони роҳи мазкур ҳамарӯза ҷавонон бо навбат ҷалб мегарданд. Дар ин ҷамоат аз масофаи 18 километр об кашонида, бо насби ҳисобкунакҳо ҳар оиларо бо оби ошомиданӣ таъмин намудаанд.
АКС: АМИТ «Ховар»
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Дар ноҳияи Восеъ иншооти гуногуни иҷтимоӣ ба истифода дода шуданд
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Сарвари давлат Эмомалӣ Раҳмон пас аз анҷоми сафари корӣ дар шаҳру ноҳияҳои минтақаи Кӯлоби вилояти Хатлон ба шаҳри Душанбе баргаштанд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
