35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
ДУШАНБЕ, 12.05.2026 /АМИТ «Ховар»/. Дар шаҳри Норак ба сохтмони ду иншооти муҳими соҳаи маориф — муассисаи таҳсилоти миёнаи умумӣ дар деҳаи Хоҷабдолон ва муассисаи таҳсилоти томактабӣ дар деҳаи Навдеҳи Ҷамоати деҳоти Дӯконӣ оғоз бахшида шуд.
Тавре ба АМИТ «Ховар» аз Мақомоти иҷроияи ҳокимияти давлатии шаҳри Норак хабар доданд, муассисаи таҳсилоти миёнаи умумӣ аз ду ошёна иборат буда, барои 400 хонанда дар ду баст пешбинӣ гардидааст. Иншооти мазкур бо назардошти талаботи муосир бунёд шуда, дорои синфхонаҳои барҳаво, утоқҳои фаннӣ, толори варзишӣ ва дигар инфрасохтори зарурӣ мебошад. Ин барои баланд бардоштани сатҳу сифати таълиму тарбия заминаи мусоид фароҳам меорад.
Тибқи иттилои масъулон, муассисаи таҳсилоти томактабӣ барои 100 тарбиятгиранда пешбинӣ гардидааст. Иншоот бо шароити муосири таълиму тарбия бунёд шуда, дорои утоқҳои барҳаво, синфхонаҳои таълимӣ, толори бозӣ ва дигар шароити зарурӣ мебошад.
Зимни оғози сохтмон Раиси шаҳри Норак Иброҳим Мирзозода иброз намуд, ки бунёди чунин иншооти иҷтимоӣ дар доираи ҳидоятҳои созандаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон амалӣ гардида, ба рушди соҳаи маориф ва фарогирии бештари кӯдакон ба таҳсил мусоидат менамояд.
Ба масъулон барои иҷрои босифати корҳои сохтмонӣ, риояи муҳлат ва истифодаи масолеҳи сохтмонии босифат дастуру супоришҳои мушаххас дода шуд.
Таъкид гардид, ки таваҷҷуҳи пайвастаи Пешвои миллат ба соҳаи маориф, бахусус таҳсилоти томактабӣ ва миёна барои рушди инфрасохтори иҷтимоӣ ва беҳтар гардидани шароити таълиму тарбия дар мамлакат заминаи устувор фароҳам овардааст.
АКС: Мақомоти иҷроияи ҳокимияти давлатии шаҳри Норак
Дар вилояти Хатлон беш аз 400 иншооти дорои аҳамияти давлатӣ бунёд карда шудаанд
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
Дастаи шаҳри Кӯлоб сазовори Ҷоми Ҳизби Халқии Демократии Тоҷикистон оид ба футболи хурд шуд
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Пешвои миллат Эмомалӣ Раҳмон дар ноҳияи Данғара ба таври фосилавӣ бо рафти корҳои ободониву созандагӣ дар деҳаи Ғиҷовак шинос шуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Сарвари давлат Эмомалӣ Раҳмон дар ноҳияи Данғара ба таври фосилавӣ 10 иншооти навро ифтитоҳ намуданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Сарвари давлат Эмомалӣ Раҳмон дар ноҳияи Данғара майдонҳои муосири варзишӣ ва бозии кӯдаконаро ифтитоҳ намуданд
