35 — СОЛАГИИ ИСТИҚЛОЛИЯТИ ДАВЛАТӢ. Дар ноҳияи Панҷ 216 иншоот ба истифода дода шуд
ДУШАНБЕ, 22.05.2026 /АМИТ «Ховар»/. Бо мақсади сазовор истиқбол гирифтани ҷашни 35- солагии Истиқлолияти давлатӣ дар ноҳияи Панҷ 232 иншооти таъиноти гуногун ба нақша гирифта шуда, то ба имрӯз 216 адади он мавриди истифода қарор дода шудааст, ки 93 фоизи иҷрои нақшаро ташкил медиҳад, иттилоъ медиҳад АМИТ «Ховар».
Ба иттилои мутахассиси бахши меъморӣ ва сохтмони мақомоти иҷроияи ҳокимияти давлатии ноҳия Фазлиддин Саидов, бо ҷалби соҳибкорони маҳаллӣ илова ба нақшаи пешбинишуда, бунёди боз 8 иншооти дигар ба роҳ монда шудааст. Дар раванди корҳои ободониву созандагӣ дастгирии мақомоти иҷроияи ҳокимияти давлатии ноҳия, шарикони рушд (бонки исломии рушд), бунёди миллӣ, соҳибкорони ватанӣ ва саҳми аҳолӣ назаррас арзёбӣ гардида, то ба имрӯз 3 муассисаи таълимии нави рақамӣ, 79 синфхонаи иловагӣ барои 1896 ҷойи нишаст дар назди муассисаҳои таълимӣ мавриди истифода қарор дода шудааст.
Айни замон дар иншооти боқимонда корҳои сохтмонӣ идома дошта, то ҷашни Истиқлолияти давлатӣ онҳо пурра ба истифода дода мешаванд.
Бо мақсади иҷрои дастуру ҳидоятҳои Президенти мамлакат муҳтарам Эмомалӣ Раҳмон ҷиҳати тақвият бахшидани корҳои ободонӣ, сокинони ноҳия дар ободу хуррам гардонидани маҳалли зисти хеш саҳми арзишманд мегузоранд. Дар доираи ин ободкориҳо 30 км роҳҳои байни деҳаҳо мумфарш (асфалтпӯш) гардида, инчунин 9,2 км роҳҳо чароғон карда шудаанд. Бунёди бунгоҳҳои тиббӣ, марказҳои хизматрасонӣ, майдончаҳои варзишӣ ва рафти дигар ободкориҳо дар деҳаҳои дурдаст далолат аз он менамояд, ки сокинони заҳматқарини ноҳия талош доранд, ҷашни пурифтихори миллӣ- Истиқлолияти давлатиро бо дастовардҳои назаррас истиқбол намоянд.
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар вилояти Суғд сохтмони иншооти иҷтимоӣ вусъат меёбад
ҶДММ «Ганҷи Панҷ» дар як сол имкони қабул ва коркарди то 20 ҳазор тонна пахтаро дорад
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони бинои шуъбаи Вазорати корҳои дохилӣ оғоз шуд
НИШАСТИ МАТБУОТӢ. Осорхонаи таърихии Донишкадаи давлатии фарҳанг ва санъати Тоҷикистон таъсис дода шуд
Ҳавопаймои нави «Boeing 737-8 MAX»-и «Сомон Эйр» дар Душанбе муаррифӣ гардид
ҲАДАФ — ОБОДИИ ВАТАН. Иқдоми соҳибкори ватандӯст Наврӯз Сабзаев намунаи олии меҳандӯстӣ, масъулияти иҷтимоӣ ва саҳмгузорӣ дар рушди Тоҷикистон аст
Дар Душанбе Рӯзи фарҳанги ноҳияи Дарвоз баргузор гардид
Рӯзи фарҳанги ноҳияи Балҷувон шукуҳманд таҷлил карда шуд
Дар Душанбе Рӯзи фарҳанги ноҳияи Рашт баргузор гардид
Имрӯз дар боғҳои шаҳри Душанбе рӯзҳои фарҳанги ноҳияҳои Рашт, Балҷувон ва Дарвоз баргузор мегарданд
Рӯзи фарҳанги ноҳияи Ховалинг бо шукуҳу шаҳомати хос баргузор шуд
Дар пойтахти мамлакат Рӯзи фарҳанги ноҳияҳои Лахшу Сангвор баргузор гардид
